എഐസി 657 എന്ന വിമാനത്തിനാണ് ബോംബ് ഭീഷണിയുള്ളത്. വിമാനം തിരുവനന്തപുരം വിമാനത്താവളത്തിൽ അടിയന്തര ലാൻഡിങ് നടത്തി.
പുലർച്ചെ 5.45 നാണ് വിമാനം മുംബൈയിൽ നിന്ന് ടേക്കോഫ് ചെയ്തത്. വിമാനത്തിന് അകത്താണ് ബോംബ് ഭീഷണി ഉയർന്നത് എന്നാണ് വിവരം. പൈലറ്റിനാണ് ഇതു സംബന്ധിച്ച് വിവരം ലഭിച്ചത്.
പൈലറ്റ് തന്നെയാണ് എയർ ട്രാഫിക് കൺട്രോളറെ വിവരം അറിയിച്ചത്. ബോംബ് ഭീഷണിയെ തുടർന്നാണ് എമർജൻസി ലാൻഡിങ്ങിന് നിർദേശം നല്കുകയായിരുന്നു. സംഭവത്തില് അന്വേഷണം ആരംഭിച്ചു.
മെൽബണിൽ നിന്നും മുംബൈയിലേക്കുള്ള എയർ ഇന്ത്യയുടെ കണക്റ്റിംഗ് ഫ്ലൈറ്റിലാണ് , ബോംബ് ഭീഷണി ഉണ്ടായിരിക്കുന്നത് . ഇന്നേ ദിവസം ഇതേ ഫ്ലൈറ്റിൽ യാത്ര ചെയ്യുന്ന ഓസ്ട്രേലിയൻ പ്രവാസികളായ മലയാളികൾ ഉണ്ട്. അത്യാവശ്യ കാര്യങ്ങൾക്കായി നാട്ടിലേക്ക് പോകേണ്ടതിനാലും , കുറഞ്ഞ നിരക്കിൽ ടിക്കറ്റ് ലഭ്യമായതിനാലും എയർ ഇന്ത്യയെ ആശ്രയിച്ച ഇവരെ വീണ്ടും നിരാശരാക്കുന്ന സംഭവങ്ങൾ തുടരെ തുടരെ സംഭവിക്കുന്നത് ഓസ്ട്രേലിയൻ പ്രവാസികളെ കൂടുതൽ ആശങ്കാകുലരാക്കുന്നതായി മലയാളി യാത്രക്കാർ അഭിപ്രയപ്പെട്ടു.
