മെൽബൺ : 2024 ലെ നാഷണൽ ഫിലിം അക്കാദമി പുരസ്ക്കാരത്തിളക്കവുമായി പ്രവാസി മലയാളി രേണുകാ വിജയകുമാരൻ.
National Film Academy യുടെ 2024 ലെ സിനിമാ ടെലിവിഷൻ അവാർഡുകൾ പ്രഖ്യാപിച്ചപ്പോൾ പ്രശസ്തരായ മുരുകൻ കാട്ടാക്കട , സുധീപ് കുമാർ എന്നിവരടങ്ങുന്ന അവാർഡ് ജേതാക്കൾക്കൊപ്പം ഇത്തവണ Music Video വിഭാഗത്തിൽ സ്പെഷ്യൽ ജൂറി പുരസ്ക്കാരം ആസ്ത്രേലിയൻ മലയാളി രേണുകാ വിജയകുമാരൻറെ അകലുന്ന ജീവൻ കരസ്ഥമാക്കി.
മാതമംഗലത്തെ Rt. principal നാരായണൻ നമ്പീശൻറെയും ദേവകിയുടെയും മകളാണ് ആസ്ത്രേലിയയിൽ മെൽബൺ നിവാസിയായ രേണുകാ വിജയകുമാരൻ.
ജനഹൃദയങ്ങളെ ആഴത്തിൽ സ്പർശിച്ചു ജനപ്രീതി നേടി എന്നതിനു പുറമെ, ജീവിതത്തിലെ ഏതൊരു പ്രതിസന്ധിയേയും യാഥാർത്ഥ്യബോധത്തോടെ എത്രത്തോളം ശാന്തമായി തരണം ചെയ്യാമെന്നതിനെ അതിഭാവുകത്വo കലർന്ന ശൈലിയിൽ അവതരിപ്പിച്ച രേണുകാ വിജയകുമാരൻറെ ഗാനം ഒട്ടേറെ ചലച്ചിത്ര ഉത്സവാഘോഷങ്ങളിൽ പ്രദർശിപ്പിച്ചിരുന്നു.
പ്രശസ്ത ഗായകൻ ബിജു നാരായണൻ ആലപിച്ച ഗാനത്തിൻറെ സംഗീത സംവിധാനം നിർവ്വഹിച്ചത് സാജൻ. കെ. റാമും ക്യാമറയും ദൃശ്യാവിഷ്ക്കരണവും പ്രശാന്ത് പ്രണവവുമാണ്.
അവസാന റൗണ്ട് വരെ എത്തിയ ഒട്ടുമിക്ക ഗാനങ്ങളും രചനാവൈഭവം കൊണ്ടും, സംഗീത മാധുരി കൊണ്ടും, ആലാപനശൈലികൊണ്ടും ഒന്നിനൊന്ന് മികച്ച നിലവാരം പുലർത്തിയിരുന്നെന്ന് ജൂറി വിലയിരുത്തി.
April 30 ന് രാഷ്ട്രീയ കലാസാംസ്ക്കാരിക പ്രമുഖർ പങ്കെടുക്കുന്ന ചടങ്ങിൽ അവാർഡ് വിതരണം നടത്തുമെന്ന് ഫെസ്റ്റിവൽ അധികൃതർ അറിയിച്ചു.
