ജോലി സ്ഥാപനങ്ങളിലേക്കുള്ള ആർട്ടിഫിഷ്യൽ ഇന്റലിജൻസിന്റെ കടന്നുകയറ്റം, ആഗോളതലത്തിൽ 40 ശതമാനം ജോലികളെയും ബാധിക്കുമെന്ന് ഇന്റർനാഷണൽ മോണിറ്ററി ഫണ്ട് (ഐഎംഎഫ്). ലോകത്തെ എല്ലാ രാജ്യങ്ങളെയും ഒരു പോലെ ബാധിക്കില്ലെങ്കിലും, വികസ്വര രാജ്യങ്ങളെ അപേക്ഷിച്ച് സാമ്പത്തികമായി മുന്നോക്കം നിൽക്കുന്ന യുഎസിനെയും യൂറോപ്പിനെയും പ്രശ്നം രൂക്ഷമായി ബാധിക്കുമെന്നാണ് വിശകലനം സൂചിപ്പിക്കുന്നത്.
“എഐ, ഭൂരിഭാഗം സാഹചര്യങ്ങളിലും അസമത്വത്തെ കൂടുതൽ വഷളാക്കുന്നു. സാമൂഹിക പിരിമുറുക്കങ്ങൾ സൃഷ്ടിക്കുന്നത് തടയാൻ നയരൂപകർത്താക്കൾ മുൻ‌കൂട്ടി സാങ്കേതികത ഉണ്ടാക്കുന്ന പ്രശ്നങ്ങളെ അഭിസംബോധന ചെയ്യണം” പഠനത്തെക്കുറിച്ചുള്ള സമീപകാല ബ്ലോഗ് പോസ്റ്റിൽ ഐഎംഎഫ് മാനേജിംഗ് ഡയറക്ടർ ക്രിസ്റ്റലീന ജോർജിയേവ പറഞ്ഞു.
ഈ സാഹചര്യത്തെ ചെറുക്കുന്നതിന്, വിദേശരാജ്യങ്ങളിലുള്ള തെഴിലാളികൾക്കായി ജോർജീവ, “സമഗ്രമായ സാമൂഹിക സുരക്ഷാ വലയങ്ങളും,” പുനർപരിശീലന പരിപാടികളുമാണ് ശുപാർശ ചെയ്തത്. ചില തൊഴിലുകൾ എഐവഴി പൂർണ്ണമായി യാന്ത്രികമാക്കാൻ കഴിയുമെങ്കിലും, തുടക്കത്തിൽ ഇത് മിക്ക റോളുകളിലും മനുഷ്യന്റെ കഴിവുകൾ വർദ്ധിപ്പിക്കാൻ സാധ്യതയുണ്ട്.
ദാവോസിൽ ഈ ആഴ്‌ച നടക്കുന്ന വേൾഡ് ഇക്കണോമിക് ഫോറം വാർഷിക യോഗത്തിൽ രാഷ്ട്രീയ, വ്യവസായ നേതാക്കൾ ഒത്തുകൂടിയ സാഹചര്യത്തിലാണ് ജോർജീവയുടെ വീക്ഷണങ്ങൾ പുറത്തുവരുന്നത്. എഐ സ്വാദീനമാണ് പ്രധാന ചർച്ചാ വിഷയം.
അടുത്തിടെ ഗൂഗിൾ, ആമസോൺ പോലുള്ള മുൻനിര ടെക് കമ്പനികളിൽ നിന്ന് വലിയ തോതിലുള്ള പിരിച്ചുവിടലിന്റെ വാർത്തകളാണ് പുറത്തുവരുന്നത്. ഈ സാഹചര്യത്തിൽ എഐ ഉയർത്തുന്ന വെല്ലുവിളികൾ നിലവിലെ പ്രശ്നങ്ങളെ എങ്ങനെ ബാധിക്കുമെന്ന് കണ്ടറിയണം.
Check out More Technology News Here
- ഫോണിൽ അനാവശ്യമായി പരസ്യം കാണിക്കുന്ന ‘ബ്ലോട്ട്‌വെയർ’ എങ്ങനെ നീക്കം ചെയ്യാം?
- എന്താണ് സോഷ്യൽ മീഡിയക്ക് സുരക്ഷയൊരുക്കുന്ന എൻഡ്-ടു-എൻഡ് എൻക്രിപ്ഷൻ
- എന്താണ് കെ-സ്മാർട്ട്, എങ്ങനെ ഉപയോഗിക്കാം?
- ജോലി കിട്ടില്ല, കാശ് പോകും; ഇൻസ്റ്റഗ്രാമിൽ വരുന്ന ജോലി ഓഫറുകൾ പലതും തട്ടിപ്പാണേ
- ഗൂഗിൾ ക്രോം’ സ്പീഡാക്കണോ? ഈ സെറ്റിങ്ങ്സ് ‘ഓൺ’ ആക്കിയാൽ മതി
- ‘സീക്രട്ട് കോഡ്’ ഉപയോഗിച്ച് വാട്സ്ആപ്പ് ചാറ്റുകൾ എങ്ങനെ ‘ഹൈഡ്’ ചെയ്യാം?
- ഇൻസ്റ്റഗ്രാമിൽ നിങ്ങളെ ആരെങ്കിലും ബ്ലോക്ക് ചെയ്തിട്ടുണ്ടോ? അറിയാൻ മാർഗ്ഗമുണ്ട്
- സൗജന്യ സേവനം അവസാനിപ്പിച്ച് വാട്സ്ആപ്പ്; ബാക്കപ്പ് ഉപയോഗിക്കാൻ വരിസംഖ്യ നൽകണം
- വാട്സ്ആപ്പിലെ ഈ മെസേജുകൾ സൂക്ഷിക്കണം; നിങ്ങൾക്കും പണം നഷ്ടപ്പെടാം
