ദുബായ് > റോയൽ ലാംഗ്വേജ് ഇൻസ്റ്റിറ്റ്യൂട്ട് സംഘടിപ്പിച്ച പ്രശസ്തമായ റോയൽ സ്പെല്ലിംഗ് ബീ നാഷണൽ മത്സരത്തിൽ ദുബായ് സെൻട്രൽ സ്കൂളിലെ 11-ാം ക്ലാസ് വിദ്യാർത്ഥി മഹേശ്വർ സുനിൽ കാറ്റഗറി 6 വിഭാഗത്തിൽ രണ്ടാം റാങ്ക് നേടി. അബുദാബി, ദുബായ്, ഷാർജ & നോർത്തേൺ എമിറേറ്റ്സ് എന്നീ മൂന്ന് മേഖലകളിൽ നിന്നുള്ള സ്കൂളുകൾ വഴിയാണ് എല്ലാ വർഷവും മത്സരങ്ങൾ നടക്കുന്നത്.
3 തലങ്ങളും 6 വിഭാഗങ്ങളുമുള്ള മത്സരത്തിൽ ഗ്രേഡ് 1 മുതൽ 12 വരെയുള്ള വിദ്യാർത്ഥികൾ പങ്കെടുക്കുന്നു. സ്കൂൾ തലം, എമിറേറ്റ്സ് തലം, ദേശീയ തലം എന്നിങ്ങനെയാണ് തലങ്ങൾ. ദേശീയതലമത്സരം ഒക്ടോബർ 1ന് മുസഫയിലെ,(അബുദാബി) ബ്രൈറ്റ് റൈഡേഴ്സ് സ്കൂളിൽ വെച്ച് നടന്നു. യുഎഇയിലെ 33 വ്യത്യസ്ത സ്കൂളുകളിൽ നിന്നായി 317 വിദ്യാർത്ഥികൾ മത്സരിച്ചു.
