ബ്രിസ്‌ബേൻ : ഇപ്‌സ്‌വിച്ച് പ്രവാസിയും, മഞ്ഞപ്ര (നടമുറി) കോളാട്ടുകൂടി കുടുംബാംഗവുമായ വിനു ചാക്കോയുടെ ഭാര്യ-റ്റിജി ജോർജ്ജ് -(36 yrs) ഇന്ന് രാവിലെ നിര്യാതയായി. പ്രീ പ്രൈമറി സ്‌കൂൾ വിദ്യാർത്‌ഥിയായ ഡാനിയേൽ ആണ് ഇവരുടെ ഏക മകൻ.
അങ്കമാലിക്കടുത്തുള്ള കറുകുറ്റി പഞ്ചായത്തിന് കീഴിലെ മൂന്നാം പറമ്പ് സ്വദേശികളായ മംഗലൻ ജോർജ്ജ് , ട്രീസ ദമ്പതികളുടെ മകളാണ് റ്റിജി . നൈസി ഏലിയാസ് (ന്യൂ സീലാൻഡ്) , അനു സഞ്ജു (സൗദി) എന്നിവർ സഹോദരിമാർ ആണ്.
അർബുദ രോഗബാധിതയായി കുറെ നാളുകളായി ചികിത്സയിൽ കഴിയുകയായിരുന്നു റ്റിജി. റ്റിജിയുടെ മാതാപിതാക്കൾ കഴിഞ്ഞ കുറേ നാളുകളായി, ബ്രിസ്ബെയ്നിൽ ഇവർക്കൊപ്പം ഉണ്ട്.
മൃതദേഹം ഓസ്‌ട്രേലിയയിൽ നിന്നും-നാട്ടിലേക്ക് കൊണ്ടുപോകാനുള്ള നടപടികൾ ആരംഭിച്ചു, സന്തപ്ത കുടുംബാംഗങ്ങളെ സഹായിക്കാനും, കാര്യങ്ങൾ കോർഡിനേറ്റ് ചെയ്യാനും മഞ്ഞപ്ര സ്വദേശികളും , ബന്ധുക്കളും ഇവർക്കൊപ്പം താങ്ങായുണ്ട്. ബ്രിസ്ബെയിനിലെ പൊതു ദർശനവും, നാട്ടിലെ സംസ്കാര ചടങ്ങുകളുടെ മറ്റ് വിശദശാംശങ്ങളും പിന്നീട് നിശ്ചയിക്കുമെന്ന് ബന്ധപ്പെട്ടവർ അറിയിച്ചു.
