ഒഡിഷ ട്രെയിന്‍ ദുരന്തം: അവകാശികളില്ലാത്ത മൃതദേഹങ്ങള്‍ സംസ്കരിക്കും

ഭുവനേശ്വര്> ഒഡിഷയിലെ ബാലസോര് ട്രെയിന് ദുരന്തത്തില് മരിച്ച, ഇനിയും തിരിച്ചറിയപ്പെടാത്ത 28 മൃതദേഹങ്ങള് സംസ്കരിക്കും. ഭുവനേശ്വര് മുനിസിപ്പല് കോര്പറേഷനാണ് നടപടി തുടങ്ങിയത്. ചൊവ്വാഴ്ച സിബിഐ ഉദ്യോ​ഗസ്ഥരുടെ സാന്നിധ്യത്തില് മൃതദേഹങ്ങള് കോര്പറേഷന് കൈമാറി സംസ്കരിക്കുമെന്ന് അധികൃതർ അറിയിച്ചു. ഭുവനേശ്വര് എയിംസിലാണ് മൃതദേഹങ്ങള് സൂക്ഷിച്ചിരിക്കുന്നത്. സത്യന​ഗര്, ഭരത്പുര് എന്നിവിടങ്ങളിലാണ് സംസ്കാരം നടക്കുക. മുഴുവന് ദൃശ്യങ്ങളും ചിത്രീകരിക്കും. ജൂണ് രണ്ടിന് കോറമാന്ഡല്- എക്സ്പ്രസ്, ബം​ഗളൂരു-– -ഹൗറ സൂപ്പർ ഫാസ്റ്റ് എക്സ്പ്രസ്, ചരക്ക് ട്രെയിൻ എന്നിവ കൂട്ടിയിടിച്ചായിരുന്നു രാജ്യത്തെ നടുക്കിയ അപകടം.