കോഴിക്കോട് സ്വദേശി കുവൈറ്റിൽ അന്തരിച്ചു

കുവൈറ്റ് > കോഴിക്കോട് അരക്കിണർ സ്വദേശി ഹംസത്ത് (53) വയസ്സ് കുവൈറ്റിൽ അന്തരിച്ചു. ദേഹാസ്വാസ്ഥ്യത്തെതുടർന്ന് ഇന്ന് പുലർച്ചെ മുബാറക് ആശുപത്രിയിലേക്ക് കൊണ്ടുപോയെങ്കിലും മരണം സംഭവിക്കുകയായിരുന്നു. ഇരുപത് വർഷത്തോളം കുവൈറ്റിൽ ഉണ്ടായിരുന്ന ഹംസത്ത് പ്രവാസം അവസാനിപ്പിച്ച് നാട്ടിൽ സ്ഥിര താമസമാക്കിയിരുന്നു. ആറുമാസം മുമ്പ് വീണ്ടും കുവൈറ്റിൽ തിരിച്ചെത്തി. പരേതനായ സെയ്താലിക്കുട്ടിയുടെയും ഫാത്തിമാബിയുടേയും മകനാണ്. ഭാര്യ ഷംന. 3 മക്കളുണ്ട്. മൃതദേഹം നാട്ടിൽ കൊണ്ടുപോകുന്നതിനുള്ള ക്രമീകരണങ്ങൾ കല കുവൈറ്റ് നേതൃത്വത്തിൽ നടന്നുവരുന്നു.