മസ്ക്കറ്റ് > ഇന്ത്യയുടെ ദേശീയ സുരക്ഷാ ഉപദേഷ്ടാവ് അജിത് ഡോവൽ കഴിഞ്ഞ ദിവസം ഒമാനിൽ ഔദ്യോഗിക സന്ദർശനം നടത്തി. സന്ദർശന വേളയിൽ,അജിത് ഡോവൽ, സുൽത്താൻ ഹൈതം ബിൻ താരിക്കിനെ സന്ദർശിക്കുകയും പ്രധാനമന്ത്രി നരേന്ദ്ര മോദിയുടെ ആശംസകൾ അറിയിക്കുകയും ചെയ്തു.
റോയൽ ഓഫീസ് മന്ത്രി- ജനറൽ സുൽത്താൻ ബിൻ മുഹമ്മദ് അൽ നൊമാനി, ഒമാൻ വിദേശകാര്യ മന്ത്രി സയ്യിദ് ബദർ ബിൻ ഹമദ് അൽ ബുസൈദി എന്നിവരെയും അദ്ദേഹം സന്ദർശിച്ചു . ജി20 മീറ്റിംഗുകൾ വിജയകരമായി സംഘടിപ്പിച്ചതിന് സയ്യിദ് ബദർ ബിൻ ഹമദ് അൽ ബുസൈദി റിപ്പബ്ലിക്ക് ഓഫ് ഇന്ത്യയ്ക്ക് സുൽത്താനേറ്റിന്റെ അഭിനന്ദനങ്ങൾ അർപ്പിച്ചു. സാമ്പത്തിക, സാങ്കേതിക വികസനം, പരസ്പര സുരക്ഷ, പ്രാദേശിക സ്ഥിരത എന്നിവയ്ക്കുള്ള പ്രധാന മേഖലകളിൽ പരസ്പര പ്രയോജനകരമായ സഹകരണം ശക്തിപ്പെടുത്തുന്നതിൽ ശ്രദ്ധ കേന്ദ്രീകരിച്ചുകൊണ്ട് ഇന്ത്യയും ഒമാൻ സുൽത്താനേറ്റും തമ്മിലുള്ള ബഹുമുഖ ഉഭയകക്ഷി ബന്ധങ്ങളുടെ ഉന്നതതല അവലോകനം ചർച്ച ചെയ്യപ്പെട്ടു ..
