ദിവസവും 10,000 സ്റ്റെപ്പ്സ് നടക്കുന്നത് ആരോഗ്യത്തിന് നല്ലതാണോ?

രാവിലെയും വൈകിട്ടും വ്യായാമത്തിൻ്റെ ഭാ​ഗമായി സ്ഥിരം നടക്കുന്ന ആളുകളുണ്ട്. ഇത് മാത്രമല്ല ജിമ്മിൽ പോകാൻ സാധിക്കാത്തവർ വീട്ടിലെ ട്രെഡ് മില്ലിലും നടക്കാറുണ്ട്. ഹൃദയാരോ​ഗ്യത്തിനും അതുപോലെ മാനസിക ആരോ​ഗ്യത്തിനും ഏറെ നല്ലതാണ് നടപ്പ്. കൊളസ്ട്രോൾ, രക്തസമ്മർദ്ദം എന്നിവ പോലുള്ള പ്രശ്നങ്ങൾ പരിഹരിക്കാൻ ഏറെ നല്ലതാണ് നടത്തമെന്നാണ് വിദ​ഗ്ധർ പറയുന്നത്. പക്ഷെ ദിവസവും എത്ര ദൂരം നടക്കണമെന്ന കാര്യത്തിൽ ഇപ്പോഴും ചില സംശയങ്ങളുണ്ട് ആളുകൾക്ക്. ദിവസവും 10,000 സ്റ്റെപ്പ്സ് നടക്കുന്നത് ആരോ​ഗ്യത്തിന് നല്ലതാണെന്ന് പല പഠനങ്ങളും പറയുന്നുണ്ട്. 1965-ൽ ആദ്യത്തെ വാണിജ്യ പെഡോമീറ്റർ അവതരിപ്പിച്ച Yamasa Tokei എന്ന ജാപ്പനീസ് കമ്പനിയിൽ നിന്നാണ് ഒരു ദിവസം 10,000 ചുവടുകൾ നടക്കുക എന്ന ആശയം ഉടലെടുത്തത്. “10,000-പടി മീറ്റർ” എന്നർത്ഥം വരുന്ന Manpo-kei എന്നറിയപ്പെടുന്ന ഉപകരണം പെട്ടെന്ന് തന്നെ ജനപ്രീതി നേടിയിരുന്നു. ഇതിനുശേഷമാണ് ദൈനംദിന ചുവടുവെപ്പ് ഒരു ലക്ഷ്യമായി പലർക്കും മാറിയത്. എല്ലായിടത്തും ഉണ്ടായിരുന്നിട്ടും, ഈ ലക്ഷ്യത്തിന്റെ ഉത്ഭവവും നേട്ടങ്ങളും പലപ്പോഴും മിഥ്യകളിലും തെറ്റിദ്ധാരണകളിലും മറഞ്ഞിരിക്കുന്നുണ്ട്. 10,000 സ്റ്റെപ്പ് നടക്കുന്നതിലെ യാഥാർത്ഥ്യത്തെക്കുറിച്ചും അതിൻ്റെ ലക്ഷ്യത്തെക്കുറിച്ചും പരിശോധിക്കേണ്ടത് വളരെ പ്രധാനമാണ്. ഇത് സംബന്ധിച്ച് Rohit Shelatkar, VP at Vitabiotics, Fitness & Nutrition Expert പറയുന്നത് ഇങ്ങനെയാണ്.