തലോടാന് ശ്രമിച്ച വിനോദ സഞ്ചാരിയായ യുവതിയെ ഓടിച്ചിട്ട് തല്ലുന്ന കംഗാരുവാണ് ഇപ്പോള് സോഷ്യല് മീഡിയയിലെ താരം.
ഓസ്ട്രേലിയയിലാണ് സംഭവം നടന്നത്. സിഡ്നിയിലെ കംഗാരും താഴ്വരയില് വിശ്രമിച്ചിരുന്ന കംഗാരുവിനെയാണ് ഷക്കീല എന്ന യുവതി തൊടാന് ശ്രമിച്ചത്.
എന്നാല് യുവതി തൊടാന് ശ്രമിച്ചപ്പോള് കംഗാരു തിരിഞ്ഞ് നോക്കുകയും ഒട്ടും പ്രതീക്ഷിക്കാതെ യുവതിക്ക് നേരെ തിരിയുകയുമായിരുന്നു.
തുടര്ന്ന് ഓടി രക്ഷപ്പെടാന് യുവതി ശ്രമിച്ചെങ്കിലും നടന്നില്ല. പുല്മേട്ടില് തട്ടി വീണതോടെ കംഗാരു യുവതിയെ ചവിട്ടിയാണ് ദേഷ്യം തീര്ത്തത്.
യുവതിയുടെ മുകളിലേക്ക് ചാടുന്ന കംഗാരുവിന്റെ ദൃശ്യങ്ങള് ഇതിനോടകം സമൂഹമാധ്യമങ്ങളില് ശ്രദ്ധനേടിയിട്ടുണ്ട്.
തലനാരിഴയ്ക്കാണ് യുവതിക്ക് ജീവന് തിരിച്ചുകിട്ടിയത്. യുവതിയുടെ ദേഹത്ത് വീണ്ടും വീണ്ടും കംഗാരു ചാടി ചവിട്ടുന്നത് ദൃശ്യത്തില് കാണാം
കംഗാരുവിന്റെ കാല് നഖം കൊണ്ടതടക്കമുള്ള പരുക്കുകള് യുവതിയുടെ ശരീരത്തിലുണ്ട്.
കഴിഞ്ഞ സെപ്റ്റംബര് മാസത്തില് പീറ്റര് ഈഡ്സ് എന്ന 77കാരന് പശ്ചിമ ഓസ്ട്രേലിയയില് കംഗാരുവിന്റെ ആക്രമണത്തില് കൊല്ലപ്പെട്ടിരുന്നു.
