Grilled Non Veg: അല്‍ഫാം, ബാര്‍ബക്യൂ ആരോഗ്യം കളയാതിരിയ്ക്കാന്‍ ഇങ്ങനെ കഴിയ്ക്കാം

ഇന്ന് നമ്മുടെ ഭക്ഷണ കാര്യത്തില്‍ പല മാറ്റങ്ങളും വന്നിട്ടുണ്ട്. നോണ്‍ വെജിറ്റേറിയന് പ്രാധാന്യമേകുന്ന ഭക്ഷണ രീതികളാണ് പലയിടത്തും. പ്രത്യേകിച്ചും മലയാളികള്‍ക്ക് ഇന്ന് അറബി വിഭവങ്ങളോട് താല്‍പര്യമേറുന്നു. അല്‍ഫാം, തന്തൂരി, ഗ്രില്‍ഡ് ചിക്കന്‍, ബാര്‍ബിക്യു തുടങ്ങിയവ ഇന്ന് ഏറെ പ്രചാരത്തിലുണ്ട്. പ്രത്യേകിച്ചും വറുത്തതും മറ്റും നല്ലതല്ലെന്ന ചിന്ത വന്നപ്പോള്‍ തന്തൂരി, ഗ്രില്‍ഡ് പോലുള്ള മുകളില്‍ പറഞ്ഞവയ്ക്ക് ഡിമാന്റ് കൂടി. ആരോഗ്യത്തിന് ദോഷം വരില്ലല്ലോ എന്നു കരുതി നിയന്ത്രണമില്ലാതെ കഴിയ്ക്കുന്നവര്‍ ധാരാളമാണ്. എന്നാല്‍ ഇത്തരക്കാര്‍ അറിയേണ്ട ചില പ്രധാന കാര്യങ്ങളുണ്ട്. ഇതില്‍ പ്രധാനം നാം കരുതുന്ന പോലെ ഇവ അത്ര ആരോഗ്യകരമല്ലെന്നത് തന്നെയാണ്.