കുവൈറ്റ് സിറ്റി> ഇന്ത്യയുടെ 75-ാസ്വാതന്ത്ര്യദിനാഘോഷത്തിന്റെ ഭാഗമായി കുവൈറ്റിലെ ആരോഗ്യ പ്രവർത്തകരുടെ കൂട്ടായ്മയായ കേരളൈറ്റ്സ് മെഡിക്കൽ ഫോറം KMF ന്റെ നേതൃത്വത്തിൽ അദാൻ ബ്ലഡ് ബാങ്ക് സെന്ററിൽ രക്തദാന ക്യാമ്പ് സംഘടിപ്പിച്ചു.രക്തദാന ക്യാമ്പ് Dr.Sherin.M.Tharakan(Ardiya South MOH clinic) ഉദ്ഘാടനം ചെയ്തു. KMF പ്രസിഡന്റ് ഗീതാ സുദര്ശൻ അധ്യക്ഷയായി.
ജനറൽ സെക്രട്ടറി ബിൻസിൽ വര്ഗീസ് സ്വാഗതം പറഞ്ഞു. അദാൻ ബ്ലഡ് ബാങ്കിൽ നടന്ന ക്യാമ്പിൽ KMF അംഗങ്ങളടക്കം നൂറിൽ അധികം ആളുകൾ പങ്കെടുത്തു. ക്യാമ്പിന്റെ പ്രധാന പ്രയോജകരായ Al Ansari Exchange ന്റെ ബിസിനസ് ഡെവലപ്മന്റ് മാനേജർ ശ്രീജിത്ത് മോഹൻദാസ്,KMF ഉപദേശക സമിതി അംഗങ്ങളായ സജി തോമസ് മാത്യു,ടി കെ സൈജു ,റ്റി വി ഹിക്മത്ത് തുടങ്ങിയവർ സംസാരിച്ചു.രക്തദാന ക്യാമ്പിന്റെ നടത്തിപ്പിനായി സഹകരിച്ച KMF അംഗങ്ങൾ,അദാൻ ബ്ലഡ് ബാങ്കിൽ ജീവനക്കാർ,ഡോക്ടർ ലാമിസ് ,രക്തദാതാക്കൾ തുടങ്ങി എല്ലാവര്ക്കും ട്രെഷറർ ലിൻഡ സജി നന്ദി പറഞ്ഞു. ക്യാമ്പിന് കേന്ദ്ര കമ്മറ്റി അംഗങ്ങളായ റിയാസ് മുഹമ്മദ് ,സിസിലി തോമസ് ,ജോർജ് ജോൺ ,സി എസ് വിനോദ് ,ഉണ്ണികൃഷ്ണൻ ,റിജോ തോമസ് ,രാഹുൽ ,ലിജോ അടികൊലി ,ഹാറൂൺ ഫഹദ് ,ജാൻസി ഫിലിപ്പ് ,ലിൻസ് രഞ്ജു,സിജു ജോസഫ് തുടങ്ങിയവർ നേതൃത്വം നൽകി .
