റിയാദ് > സഖാവ് പി.കൃഷ്ണപിള്ളയുടെ 74ആം ചരമദിനം കേളി കലാസാംസ്കാരിക വേദി ആചരിച്ചു. ബത്ഹ ക്ലാസിക് ഓഡിറ്റോറിയത്തിൽ സംഘടിപ്പിച്ച അനുസ്മരണ ചടങ്ങിൽ കേളി രക്ഷാധികാരി സെക്രട്ടറി കെ.പി.എം സാദിഖ് അധ്യക്ഷനായി. കേളി പ്രസിഡന്റ് ചന്ദ്രൻ തെരുവത്ത് ആമുഖ പ്രഭാഷണം നടത്തിയ ചടങ്ങിൽ സെക്രട്ടറി ടി ആർ സുബ്രഹ്മണ്ണ്യൻ സ്വാഗതം പറഞ്ഞു.
കേളി വൈസ് പ്രസിഡന്റ് പ്രഭാകരൻ കണ്ടോന്താർ അനുസ്മരണ പ്രബന്ധം അവതരിപ്പിച്ചു. കേളി രക്ഷാധികാരി സമിതി അംഗങ്ങളായ സതീഷ് കുമാർ, സുരേന്ദ്രൻ കൂട്ടായി, കുടുംബവേദി സെക്രട്ടറി സീബ കൂവോട്, ന്യൂ സനയ്യ ഏരിയ രക്ഷാധികാരി സെക്രട്ടറി മനോഹരൻ നെല്ലിക്കൽ കേളി കേന്ദ്ര കമ്മറ്റി അംഗം പ്രദീപ് ആറ്റിങ്ങൽ എന്നിവർ അനുസ്മരണ പ്രഭാഷണം നടത്തി.
