കൊതുകു വഴി പകരുന്ന ജാപ്പനീസ് എന്‍കെഫലൈറ്റിസ് അഥവാ ജപ്പാന്‍ ജ്വരം കഴിഞ്ഞയാഴ്ചയാണ് ആദ്യം കണ്ടെത്തിയത്.
ന്യൂ സൗത്ത് വെയില്‍സ്-വിക്ടോറിയ അതിര്‍ത്തിയിലെ ഒരു പന്നിവളര്‍ത്തല്‍ ഫാമിലായിരുന്നു ഇത് സ്ഥിരീകരിച്ചത്.
വിക്ടോറിയയില്‍ നാലു പേര്‍ക്ക് കഴിഞ്ഞയാഴ്ച തന്നെ രോഗബാധ കണ്ടെത്തി.
ഇപ്പോള്‍ 12ലേരെ മനുഷ്യര്‍ക്കും, 21ലേറെ പന്നി ഫാമുകളിലും രോഗബാധ സ്ഥിരീകരിച്ചതായി ഓസ്‌ട്രേലിയന്‍ ചീഫ് വെറ്ററിനറി ഓഫീസര്‍ മാര്‍ക്ക് ഷിപ്പ് അറിയിച്ചു.
ന്യൂ സൗത്ത് വെയില്‍സിനും വിക്ടോറിയയ്ക്കും പുറമേ, ക്വീന്‍സ്ലാന്‌റ്, സൗത്ത് ഓസ്‌ട്രേലിയ സംസ്ഥാനങ്ങളിലും രോഗബാധ കണ്ടെത്തിയിട്ടുണ്ട്.
ന്യൂ സൗത്ത് വെയില്‍സിലും ക്വീന്‍സ്ലാന്‌റിലും രോഗം ബാധിച്ച് ഓരോ സ്ത്രീകള്‍ ഗുരുതരാവസ്ഥയിലാണ്. ജീവന്‍ രക്ഷാ ഉപകരണങ്ങളുടെ സഹായത്തോടെയാണ് ഇവരെ ചികിത്സിക്കുന്നത്.
രാജ്യത്തിന്റെ വിവിധ ഭാഗങ്ങളില്‍ ഡസന്‍ കണക്കിന് പേരെ രോഗബാധ സംശയം കാരണം പരിശോധിക്കുന്നുണ്ടെന്ന് ആക്ടിംഗ് ചീഫ് മെഡിക്കല്‍ ഓഫീസര്‍ സോണിയ ബെന്നെറ്റ് വെള്ളിയാഴ്ച അറിയിച്ചിരുന്നു.
കടപ്പാട്: SBS മലയാളം
Follow this link to join ‘ഓസ്‌ മലയാളം’ WhatsApp group: OZMALAYALAM WhatsApp Group 3
