പ്രായം 50 കഴിഞ്ഞെങ്കിൽ കൊളസ്‌ട്രോൾ നിയന്ത്രിക്കാൻ ശ്രദ്ധിക്കേണ്ടത്

പ്രായം 50 കഴിഞ്ഞാൽ ആളുകൾ നേരിടുന്ന ശാരീരിക, മാനസിക പ്രശ്നനങ്ങൾ കൂടി വരികയാണ്. ആരോഗ്യകാര്യത്തിൽ ഏറ്റവും വെല്ലുവിളി ഉയർത്തുന്ന ഒന്നാണ് . ചെറുപ്പക്കാരിലും ഇത് കണ്ടുവരുന്നുണ്ടെങ്കിലും ഒരു പ്രായം കഴിഞ്ഞാൽ വളരെയധികം ശ്രദ്ധിക്കേണ്ട ഒന്നാണിത്, പ്രത്യേകിച്ച് പ്രായം 50 കഴിഞ്ഞാൽ. ഹൃദ്രോഗ സാധ്യത വർധിപ്പിക്കുന്ന ഒന്നാണ് കൊളസ്‌ട്രോൾ. അതിനാൽ, ശരീരത്തിലെ കൊളസ്ട്രോളിന്റെ അളവ് നിരീക്ഷിക്കുന്നത് വളരെ പ്രധാനമാണ്. പ്രായം 50-കളിൽ ഉള്ളവർക്ക് കൊളസ്ട്രോളിന്റെ അളവ് കുറയ്ക്കാൻ സഹായിക്കുന്ന ചില ഭക്ഷണ ശീലങ്ങളുണ്ട്.

എന്താണ് കൊളസ്ട്രോൾ?
ഇത് കരൾ ഉത്പാദിപ്പിക്കുന്ന കൊഴുപ്പ് അല്ലെങ്കിൽ മെഴുക് പോലെയുള്ള പദാർത്ഥമാണ്. ശരിയായി പ്രവർത്തിക്കാൻ ശരീരത്തിന് ഇവ ആവശ്യമാണ്. പല ഭക്ഷണങ്ങളിലും കൊളസ്ട്രോൾ കാണപ്പെടുന്നു, അതിന്റെ അളവിലുള്ള അസന്തുലിതാവസ്ഥ ഗുരുതരമായ ആരോഗ്യപ്രശ്നങ്ങൾ സൃഷ്ടിക്കുമ്പോൾ, ശരീരത്തിന്റെ തെറ്റായ പ്രവർത്തനത്തിന് അത് കാരണമാകും. മാംസം, കടൽവിഭവങ്ങൾ, ബേക്ക് ചെയ്ത ഭക്ഷണ സാധനങ്ങൾ, വറുത്ത ഭക്ഷണങ്ങൾ, പാലുൽപ്പന്നങ്ങൾ എന്നിവയിൽ കൊളസ്‌ട്രോൾ കാണപ്പെടുന്നു. രണ്ട് തരം കൊളസ്ട്രോൾ ഉണ്ടെന്ന് നമുക്കെല്ലാവർക്കും അറിയാം – എൽഡിഎൽ കൊളസ്‌ട്രോളും എച്ച്ഡിഎൽ കൊളസ്‌ട്രോളും. എച്ച്‌ഡിഎൽ നല്ല കൊളസ്ട്രോൾ ആണ്. എന്നാൽ, ആരോഗ്യപ്രശ്നങ്ങൾ ഉണ്ടാക്കുന്നത് എൽഡിഎൽ കൊളസ്‌ട്രോൾ ആണ്.

കൊളസ്‌ട്രോൾ നിയന്ത്രിക്കാൻ
ഒരു വ്യക്തിയുടെ ഭക്ഷണ ശീലങ്ങൾ കൊളസ്‌ട്രോളിന്റെ അളവിനെ വളരെയധികം സ്വാധീനിക്കുന്നു, 50 വയസോ അതിൽ കൂടുതലോ പ്രായമാകുമ്പോൾ ഓരോ വ്യക്തിയും സ്വീകരിക്കേണ്ട ശീലങ്ങളിൽ ചിലതുണ്ട്. കൊളസ്‌ട്രോളിന്റെ അളവ് കുറയ്ക്കുന്നതിന് ചില ശാരീരിക പ്രവർത്തനങ്ങളിൽ ഏർപ്പെടേണ്ടത് പ്രധാനമാണെങ്കിലും, അതിൽ കൂടുതൽ പ്രാധാന്യമുള്ളത് നമ്മുടെ ഭക്ഷണക്രമമാണ്. 50 വയസ്സിനു ശേഷം ശ്രദ്ധിക്കേണ്ട ചില ഭക്ഷണ ശീലങ്ങൾ ഇതാ.

കൂടുതൽ ഫൈബർ ഉപഭോഗം
നാരുകൾ ശരീരത്തിലെ നല്ല കൊളസ്‌ട്രോളുമായി ബന്ധപ്പെട്ടിരിക്കുന്നു, മനുഷ്യശരീരം കൂടുതൽ ലയിക്കുന്ന നാരുകൾ ഉപഭോഗം ചെയ്യുമ്പോൾ അത് ശരീരത്തിലെ ചീത്ത കൊളസ്‌ട്രോളിന്റെ അളവ് കുറയ്ക്കുന്നു എന്ന വസ്തുത നിരവധി ഗവേഷണങ്ങൾ ചൂണ്ടിക്കാണിച്ചിട്ടുണ്ട്. അതിനാൽ, ഓട്‌സ് പോലുള്ള നാരുകളുള്ള ഭക്ഷണങ്ങൾ, ആപ്പിൾ, പിയർ പോലുള്ള മുഴുവൻ പഴങ്ങൾ, നാരുകളാൽ സമ്പന്നമായ പയർവർഗ്ഗങ്ങൾ എന്നിവ ഭക്ഷണക്രമത്തിൽ ഉൾപ്പെടുത്തണം. നിങ്ങളുടെ ശരീരത്തിലെ നാരുകൾ വർദ്ധിപ്പിക്കുന്നതിന് ചിയ വിത്തുകൾ പോലുള്ള വിത്തുകൾ ഭക്ഷണത്തിൽ ഉൾപ്പെടുത്തണം.

പഴങ്ങളും പച്ചക്കറികളും
ഒരാൾ നിർബന്ധമായും വളർത്തിയെടുക്കേണ്ട ഒരു ശീലം മുൻപുള്ളതിനേക്കാൾ കൂടുതൽ പഴങ്ങളും പച്ചക്കറികളും കഴിക്കുക എന്നതാണ്. പ്രായം വർദ്ധിക്കുമ്പോൾ ശരീരം ഒരു മാറ്റത്തിലൂടെ കടന്നുപോകുമ്പോൾ, നിങ്ങൾ നിങ്ങളുടെ ഭക്ഷണക്രമത്തിൽ മുഴുവൻ പഴങ്ങളും അസംസ്കൃത പച്ചക്കറികളും ഉൾപ്പെടുത്തണം, കാരണം ഇത് ചീത്ത കൊളസ്ട്രോളിന്റെ അളവ് കുറയ്ക്കുമ്പോൾ തന്നെ ശരീരത്തിന് ആവശ്യമായ എല്ലാ പോഷണവും നൽകുന്നു. നാരുകളാൽ സമ്പുഷ്ടമായതിനാൽ ബ്രോക്കോളി, ചീര, കാരറ്റ് തുടങ്ങിയ പച്ചക്കറികൾ നിങ്ങളുടെ ദൈനംദിന ഭക്ഷണക്രമത്തിൽ ഉൾപ്പെടുത്തുക. കൂടാതെ, ആപ്പിൾ, അവോക്കാഡോ, പിയർ, മുന്തിരി തുടങ്ങിയ പഴങ്ങൾ നിങ്ങളുടെ ശരീരത്തിലെ നാരുകൾ മെച്ചപ്പെടുത്തുകയും എൽഡിഎൽ കൊളസ്‌ട്രോൾ അളവ് കുറയ്ക്കുകയും ചെയ്യുന്നു.

ആരോഗ്യകരമായ ശരീര ഭാരം
50 വയസ്സിനു ശേഷം, ആരോഗ്യകരമായ ശരീര ഭാരം നിലനിർത്തേണ്ടത് പ്രധാനമാണ്. കൊളസ്ട്രോൾ ഒരു വ്യക്തിയുടെ ഭാരം വർദ്ധിപ്പിക്കും. അതിനാൽ, ശരീരഭാരം കുറയ്ക്കാൻ നിങ്ങൾ ചെറിയ അളവിൽ ഇടയ്ക്കിടെ ഭക്ഷണം കഴിക്കണം, ഒറ്റയടിക്ക് കഴിക്കരുത്. പ്രായം 50 -കളിൽ ഉള്ള മിക്ക ആളുകളും കുറച്ച് ഭക്ഷണം കഴിക്കുന്നതിനെ കുറിച്ച് ഉത്കണ്ഠാകുലരല്ല, അവർക്ക് ദിവസവും ഒന്നോ രണ്ടോ തവണ ഭക്ഷണം കഴിക്കാൻ തോന്നും, അത് തന്നെ വലിയ ആശങ്കയാണ്. ഭക്ഷണത്തിന്റെ കാര്യത്തിൽ വലിയ സമയ വിടവ് ഉണ്ടാകരുത്, ഈ പ്രായത്തിൽ ആവശ്യമായ എല്ലാ പോഷകങ്ങളും ലഭിക്കുന്നതിന് രണ്ടോ മൂന്നോ മണിക്കൂർ കൂടുമ്പോൾ ഭക്ഷണം കഴിക്കണമെന്ന് വിദഗ്ധർ നിർദ്ദേശിക്കുന്നു.

ആരോഗ്യകരമായ കൊഴുപ്പുകൾ ഭക്ഷണത്തിൽ ഉൾപ്പെടുത്തുക
അവസാനമായി, എന്നാൽ ഏറ്റവും പ്രധാനമായി, ഭക്ഷണത്തിൽ ആരോഗ്യകരമായ കൊഴുപ്പുകൾ ഉൾപ്പെടുത്തുന്നത് ഈ കാലഘട്ടത്തിൽ പ്രധാനമാണ്. ഉദാഹരണത്തിന്, ആരോഗ്യകരമായ കൊഴുപ്പുകൾ മുട്ട, നട്ട്സ്, മത്സ്യം, അവോക്കാഡോ ഓയിൽ, ഒലിവ് ഓയിൽ തുടങ്ങിയ എണ്ണകളിൽ നിന്നാണ് ലഭ്യമാവുന്നത്. പൂരിത കൊഴുപ്പ് അടങ്ങിയ ഭക്ഷണം നിങ്ങൾ കഴിക്കുകയാണെങ്കിൽ, അത് നിങ്ങളുടെ ശരീരത്തിലെ ചീത്ത കൊളസ്ട്രോൾ സ്വയമേവ വർദ്ധിപ്പിക്കും, ഇത് ശരീരഭാരവും വർദ്ധിപ്പിക്കും.