കൊളസ്ട്രോൾ നില നിയന്ത്രിച്ചുനിർത്താൻ സഹായിക്കുന്ന ഔഷധങ്ങൾ ആയുർവേദം ശുപാർശ ചെയ്യുന്നുണ്ട്. മിക്ക രോഗികളിലും കൊളസ്ട്രോൾ നിയന്ത്രിക്കുന്നതിനായി മരുന്നുകൾ കഴിക്കുന്നതിനു പകരം ഭക്ഷണനിയന്ത്രണത്തോടൊപ്പം ആയുർവേദ സംബന്ധമായ ജീവിതശൈലി പിന്തുടർന്നാൽ മാത്രം മതി എന്നു പറഞ്ഞാൽ പലരും അത്ഭുതപ്പെടും. ഔഷധസസ്യങ്ങളായ നെല്ലിക്ക, ജീരകം, പെരുംജീരകം, വെളുത്തുള്ളി, മുതലായവയൊക്കെ പ്രകൃതിദത്തമായതും യാതൊരു രീതിയിലും പാർശ്വഫലങ്ങൾ ഇല്ലാതെ കൊളസ്ട്രോൾ സാധ്യത കുറയ്ക്കാൻ സഹായിക്കുന്നവയുമാണ്.
നെല്ലിക്ക: ആയുർവേദത്തിലെ സവിശേഷ ചേരുവയായ നെല്ലിക്ക ജ്യൂസടിച്ചോ പൊടിയായോ കഴിക്കാം. ഇത് ടാബ്‌ലെറ്റ് രൂപത്തിൽ പോലും കഴിക്കുന്നത് നല്ലതാണ്. എണ്ണമറ്റ ആരോഗ്യഗുണങ്ങൾ വാഗ്ദാനം ചെയ്യുന്നുണ്ട് നെല്ലിക്ക. ഇത് കഴിക്കുന്നത് കൊളസ്ട്രോൾ നില നിയന്ത്രിച്ചുനിർത്താൻ സഹായം ചെയ്യും.
ഔഷധ ചായ: ജീരകവും മല്ലിയിലയും പെരുംജീരകവും ചേർത്ത ചായ ദിവസവും കുടിയ്ക്കുന്നത് വഴി കൊളസ്ട്രോൾ എളുപ്പത്തിൽ നിയന്ത്രിച്ചു നിർത്താൻ കഴിയും. ജീരകം അല്ലെങ്കിൽ ജീരകം ചേർത്ത് തിളപ്പിച്ച വെള്ളം ദിവസത്തിൽ ഉടനീളം കുടിക്കുന്നത് കൊളസ്ട്രോൾ നില നിയന്ത്രിച്ചു നിർത്തുന്നതിൽ പ്രധാന പങ്കുവഹിക്കുന്നു. ഒരു മികച്ച മൌത്ത് ഫ്രഷ്നർ ആയി പ്രവർത്തിക്കാൻ ഇത് സഹായം ചെയ്യും.
വെളുത്തുള്ളി: ഇത് ആൻറി ഓക്സിഡൻ്റുകൾ കൊണ്ട് നിറഞ്ഞതാണ്. ദിവസവും ഒരല്ലി വീതം വെളുത്തുള്ളി ഒഴിഞ്ഞ വയറ്റിൽ കഴിക്കുന്നത് കൊളസ്‌ട്രോളിനൊപ്പം ബ്ലഡ് പ്രഷർ കുറയ്ക്കാൻ സഹായിക്കുന്നു.
നാരങ്ങാ പിഴിഞ്ഞ വെള്ളം: ചെറുനാരങ്ങ ചെറു ചൂടുവെള്ളത്തിൽ പിഴിഞ്ഞു ചേർത്ത് രാവിലെ എഴുന്നേറ്റ ഉടനെ ഒഴിഞ്ഞ വയറ്റിൽ കഴിക്കുന്നത് ഏറ്റവും നല്ലതാണ്. ഇത് കഴിച്ചു കഴിഞ്ഞു 1 മണിക്കൂർ കഴിഞ്ഞ ശേഷം പ്രഭാതഭക്ഷണം കഴിക്കാം. ഈയൊരു ശീലം ശരീരത്തിലെ അമിത കൊളസ്ട്രോൾ നില നിയന്ത്രിക്കുന്നതിൽ പ്രധാന പങ്ക് വഹിക്കുന്നു.
ഇഞ്ചി: കുറച്ച് ഇഞ്ചി നിങ്ങളുടെ ഹെർബൽ ചായയോടൊപ്പം അരച്ച് ചേർത്തു ദിവസത്തിൽ ഒരിക്കൽ/രണ്ട് തവണ വരെ കഴിക്കാം. അതല്ലെങ്കിൽ ഉണങ്ങിയ ഇഞ്ചിപ്പൊടി രാവിലെ തേൻ ചേർത്ത് കഴിക്കാം.
ഹൃദയാരോഗ്യം മെച്ചപ്പെടുത്തുന്നതിനും ഉയർന്ന രക്തസമ്മർദ്ദം പോലുള്ള ഹൃദയ സംബന്ധമായ പ്രശ്നങ്ങളെ ചികിത്സിക്കുന്നതിനുമായി ആയുർവേദ വൈദ്യത്തിൽ പരമ്പരാഗതമായി ഉപയോഗിച്ചുവരുന്ന ഒരു ഔഷധ മിശ്രിതമാണ് അർജുനരിഷ്ട അഥവാ അർജുന ഔഷധം. ഇത് ആയുർവേദ മരുന്നുകടകളിൽ നിന്നും നിങ്ങൾക്ക് എളുപ്പത്തിൽ ലഭിക്കും. ഇത് ദിവസവും രാവിലെ പാലിൽ കലർത്തി കഴിക്കാം. ഇത് ഗുളിക രൂപത്തിലും കഴിക്കുന്നത് നല്ലതാണ്.
നൂറ്റാണ്ടുകളായി ഉപയോഗിച്ചു വരുന്ന ആയുർവേദ ഔഷധമാണ് ഗുൽഗുലു. കൊളസ്ട്രോളും അമിതവണ്ണവും കുറയ്ക്കാൻ സഹായിക്കുന്ന ഗുൽഗുലു ഒരു ആയുർവേദ ഡോക്ടറുടെ നിർദ്ദേശ പ്രകാരം ഉപയോഗിക്കാവുന്നതാണ്. ഇത് കഴിക്കുന്നത് ശരീരത്തിലെ കൊഴുപ്പ് വേഗത്തിൽ ഉരുക്കിക്കളയാൻ സാധിക്കുന്നു. രക്തത്തിലെ ട്രൈഗ്ലിസറൈഡുകളും കൊളസ്ട്രോളും കുറയ്ക്കാൻ ഇത് ഒറ്റ മരുന്നായോ ത്രിഫല പോലെയുള്ള മറ്റ് ഔഷധസസ്യങ്ങളുമായി സംയോജിപ്പിച്ചോ കഴിക്കാം.
