നല്ല ആരോഗ്യത്തിന് പതിമുഖം ചേർത്ത വെള്ളം കുടിക്കുന്നത് പതിവാക്കിക്കോളൂ

ജീവജാലങ്ങളുടെ നിലനില്പിന് വെള്ളം കൂടിയേ തീരൂ എന്ന് നമുക്കറിയാം. ഭക്ഷണം പോലെ തന്നെ പ്രധാനമാണ് വെള്ളവും. ശരീരത്തിൽ നിന്ന് വിഷവസ്തുക്കളെ പുറന്തള്ളുന്നതിനും കുടലിന്റെ ആരോഗ്യം വർദ്ധിപ്പിക്കുന്നതിനും മൊത്തത്തിലുള്ള ക്ഷേമം മെച്ചപ്പെടുത്തുന്നതിനും വെള്ളം കൂടിയേ തീരൂ. ആരോഗ്യത്തിന് നല്ലത് വെള്ളം തിളപ്പിച്ച് കുടിക്കുന്നതാണെന്നാണ് പറയാറ്. കാരണം ഇത് വെള്ളത്തിലെ അണുക്കളെ ഇല്ലാതാക്കാൻ സഹായിക്കും. വെള്ളത്തിലൂടെ പകരുന്ന രോഗാണുക്കളെ ചെറുക്കാൻ ഏറ്റവും മികച്ച മാർഗ്ഗം തിളപ്പിച്ച വെള്ളം കുടിക്കുന്നത് തന്നെയാണ്. സാധാരണ ഗതിയിൽ ഇങ്ങനെ വെള്ളം തിളപ്പിക്കുമ്പോൾ അതിൽ എന്തെങ്കിലും കൂടെ ചേർത്ത് തിളപ്പിക്കുന്നത് മലയാളികളുടെ പതിവാണ്. ഇത്തരത്തിൽ നാം ചേർക്കുന്ന ഒന്നാണ് (). കുടിവെള്ളത്തിന് സ്വാദും നിറവും പതിമുഖം നൽകും.

എന്നാൽ നിറവും രുചിയും മാത്രമല്ല, പതിമുഖം ചില ആരോഗ്യ ഗുണങ്ങളും നൽകുമെന്ന കാര്യം പലർക്കും അറിയില്ല.

> പതിമുഖത്തിലെ ബ്രസീലിൻ എന്ന സജീവ സംയുക്തത്തിന് ആന്റിമൈക്രോബയൽ പ്രവർത്തനമുണ്ട്, ഇത് ദന്തക്ഷയത്തിന് കാരണമാകുന്ന ഏറ്റവും കഠിനമായ കരിയോജനിക് ബാക്ടീരിയകളായ സ്ട്രെപ്റ്റോകോക്കസ് മ്യൂട്ടൻസ് പോലുള്ള ബാക്ടീരിയകൾക്കെതിരെ പോരാടാൻ ശക്തമാണ്.

> ഈ ഔഷധഗുണമുള്ള പതിമുഖത്തിന്റെ പുറംതൊലി സത്തിൽ ഓക്‌സിഡേറ്റീവ് സമ്മർദ്ദം ചെറുക്കാൻ മികച്ച ആന്റിഓക്‌സിഡന്റുകളുടെ സവിശേഷതകളുണ്ട്. ഇതുകൂടാതെ, അൽഷിമേഴ്സ്, പാർക്കിൻസൺസ് രോഗം തുടങ്ങിയ ന്യൂറോ ഡിജനറേറ്റീവ് രോഗങ്ങൾക്ക് കാരണമാകുന്ന ഘടകങ്ങളായ ഓക്സിഡേറ്റീവ്, നൈട്രേറ്റീവ് സമ്മർദ്ദങ്ങൾ എന്നിവയെ പതിമുഖം സത്തിൽ അടങ്ങിയിരിക്കുന്ന ബയോആക്ടീവ് സംയുക്തമായ പ്രോട്ടോസപ്പനിൻ എ വിദഗ്ധമായി തടയുന്നു.

> അൾസർ ചികിത്സിക്കുന്നതിനുള്ള ഒരു പരമ്പരാഗത പ്രതിവിധിയായി പതുമുഖം വെള്ളത്തിന്റെ ശക്തമായ ഗ്യാസ്ട്രോപ്രൊട്ടക്റ്റീവ് പ്രവർത്തനങ്ങൾ ഉപയോഗിക്കുന്നു. പതുമുഖം ഇട്ട് തിളപ്പിച്ച വെള്ളത്തിന്റെ ശക്തമായ ആന്റി അൾസർ ഗുണങ്ങൾ കാരണം, ഈ വെള്ളം പതിവായി കുടിക്കുമ്പോൾ ഇറിറ്റബിൾ ബവൽ സിൻഡ്രോം അല്ലെങ്കിൽ അൾസർ സുഖപ്പെടുത്തുന്നതിന് ഗുണം ചെയ്യുമെന്ന് പഠനങ്ങൾ പോലും വെളിപ്പെടുത്തിയിട്ടുണ്ട്.

> പതിമുഖത്തിൽ അടങ്ങിയിട്ടുള്ള പ്രധാന സംയുക്തമായ ബ്രസീലിനിൽ രക്തം കട്ടപിടിക്കുന്നത് തടയുകയും ശരീരത്തിലെ രക്തചംക്രമണം മെച്ചപ്പെടുത്തുകയും ചെയ്യുന്ന ആന്റിപ്ലേറ്റ്ലെറ്റ് ഗുണങ്ങൾ ഉണ്ടെന്ന് തെളിയിക്കപ്പെട്ടിട്ടുണ്ട്.

> ഇത് ചിലതരം ക്യാൻസറുകളുടെ സാധ്യത കുറയ്ക്കുകയും ചെയ്യുന്നു.

1. ഹൃദയാരോഗ്യത്തിന് ഉത്തമം
ആന്റി ഓക്സിഡന്റുകളുടെ ഒരു കലവറ തന്നെയായ പതിമുഖം ഹൃദയത്തിന്റെ പ്രവർത്തനങ്ങൾ ഉത്തേജിപ്പിക്കുകയും, അതുവഴി ഹൃദയാരോഗ്യം സംരക്ഷിക്കുന്നതിന് സഹായിക്കുകയും ചെയ്യുന്നു.

2. ചർമ്മ സംരക്ഷണം
പതിമുഖം ഇട്ട് തിളപ്പിച്ച വെള്ളത്തിലെ ആന്റി മൈക്രോബിയൽ ഗുണങ്ങൾ മുഖക്കുരുവും പാടുകളും അകറ്റി കളങ്ക രഹിതമായ ചർമ്മം നേടുവാൻ നമ്മെ സഹായിക്കുന്നു.

3. രക്തം ശുദ്ധീകരിക്കുന്നു
കുടിക്കുന്നത് രക്തം ശുദ്ധീകരിക്കുകയും ഡിസ്മെനോറിയ, അമിനോറിയ തുടങ്ങിയ അവസ്ഥകളെ അകറ്റി നിർത്തുകയും ചെയ്യുന്നു.

4. ആന്റി ഇൻഫ്ലമേറ്ററി ഗുണങ്ങൾ
ബയോ ആക്റ്റീവ് സംയുക്തങ്ങളും ആന്റി ഇൻഫ്ലമേറ്ററി ഗുണങ്ങളും കാരണം, പതിമുഖം ഇട്ട് തിളപ്പിച്ച വെള്ളം കുടിക്കുന്നത് വീക്കം തടയാനും അലർജിയും ആസ്മയും നേരിടാനും സഹായിക്കും.

5. വയറിന്റെ ആരോഗ്യം
ഗ്യാസ്ട്രിക് അൾസർ, ഗ്രഹണി തുടങ്ങിയ വയർ സംബന്ധമായ അസുഖങ്ങൾ അകറ്റി, വയറിന്റെ ആരോഗ്യം മെച്ചപ്പെടുത്തുവാൻ പതിമുഖം വെള്ളം സ്ഥിരമായി കുടിക്കുന്നത് നിങ്ങളെ സഹായിക്കും.