ന്യൂഡൽഹി: ജാപ്പനീസ് സാങ്കേതിക വിദ്യാ ബ്രാൻഡായ സോണി പുതിയ പ്രീമിയം ട്രൂലി വയർലെസ് ഇയർബഡ്സ് ഡബ്ല്യുഎഫ്-100എക്സ്എം4 (WF-100XM4) ഇന്ത്യയിൽ അവതരിപ്പിച്ചു. 19,990 രൂപയാണ് ഇതിന് വില.
സിൽവർ, ബ്ലാക്ക് നിറങ്ങളിലാണ് ഇയർബഡ്സ് വിപണിയിലെത്തുക. ഓൺലൈനിലും ഓഫ് ലൈൻ സ്റ്റോറുകളിലും ജനുവരി16 മുതൽ ഇത് വിൽപനയ്ക്കെത്തും.
വിപണിയിലെ ഏറ്റവും മികച്ച നോയ്സ് കാൻസലിങ് സാങ്കേതിക വിദ്യയാണ് ഡബ്ല്യുഎഫ്-100എക്സ്എം4 ൽ ഉപയോഗിച്ചിട്ടുള്ളത്. സോണി തന്നെ വികസിപ്പിച്ച പ്രൊസസർ വി1 സോണിയുടെ ക്യുഎൻ1ഇ ചിപ്പിന്റെ നോയ്സ് കാൻസലേഷൻ കഴിവ് മെച്ചപ്പെടുത്തുമെന്നാണ് കമ്പനി അവകാശപ്പെടുന്നത്.
ശക്തിയേറിയ നോയ്സ് സെൻസർ മൈക്രോഫോണുകളും നോയ്സ് കാൻസലേഷന് പിൻബലം നൽകുന്നു.
പുതിയ രൂപകൽപനയിലുള്ള 6 എംഎം ഡ്രൈവറുകളാണിതിനുള്ളത്. പ്രൊസസർ വി1 ശബ്ദഗുണമേന്മ മെച്ചപ്പെടുത്തും.
മുഴുവൻ ചാർജ് ചെയ്താൽ എട്ട് മണിക്കൂർ നേരം ഉപയോഗിക്കാം. ചാർജിങ് കേസിന്റെ പിൻബലത്തിൽ 16 മണിക്കൂർ നേരം ഉപയോഗിക്കാനാവും.
Content Highlights: Sony India unveils new premium earbuds in India
