ബജറ്റ് ഫ്രണ്ട്ലി സ്മാർട്ട്ഫോൺ വിഭാഗത്തിലേക്ക് സ്പാർക് 8ടി അവതരിപ്പിച്ച് ടെക്നോ. 8999 രൂപയാണ് സ്പാർക് 8T യുടെ വില. മികച്ച ക്യാമറ, ഡിസ്പ്ലേ തുടങ്ങിയവ സ്പാർക്ക് സീരീസിലെ ബഡ്ജറ്റ് ഫ്രണ്ട്ലി സീരിസിലെ സ്മാർട്ട്ഫോണുകളുടെ പ്രത്യേകതയാണ്.
സ്പാർക് 7ടി യുടെ പിൻഗാമിയായെത്തുന്ന സ്പാർക് 8ടി എന്റർടെയ്ൻമെന്റ് സെഗ്മെന്റിന് കൂടുതൽ പ്രാധാന്യം നൽകുന്നു. 1080 പി ടൈം ലാപ്സ്, 120 എഫ്പിഎസുകളുടെ സ്ലോമോഷൻ തുടങ്ങിയ ഫീച്ചറുകളുള്ള എച്ച്ഡി ക്ലിയർ ഫോട്ടോഗ്രഫിക്കായി ഇന്റഗ്രേറ്റഡ് എഫ്പി സെൻസറുള്ള ക്വാഡ് ഫ്ലാഷോടുകൂടിയ പ്രീമിയം ക്യാമറ ഡിസൈനാണിതിന്.
പ്രൊഫഷണൽ ഫോട്ടോഗ്രഫിയ്‍ക്കായി 50എംപി എഐ ഡ്യുവൽ റിയർ ക്യാമറ എന്നീ സവിശേഷതകളുള്ള ഈ സെഗ്മെന്റിലെ ആദ്യത്തെ സ്മാർട്ട്ഫോണാണ് സ്പാർക്ക് 8ടി. കൂടാതെ 6.6 ഫുൾഎച്ച്ഡി ഡിസ്പ്ലേയും, 5000mAh ബാറ്ററിയും എട്ട് എംപി സെൽഫി ക്യാമറയും സ്പാർക് 8ടി വാഗ്ദാനം ചെയ്‌യുന്നു.
അറ്റ്ലാന്റിക് ബ്ലൂ, കൊക്കോ ഗോൾഡ്, ഐറിസ് പർപ്പിൾ, ടർക്കോയിസ് സിയാൻ എന്നീ നാല് നിറങ്ങളിൽ സ്പാർക് 8ടി ലഭ്യമാണ്.
Content Highlights: techno spark 8T launched
