ബെയ്ജിങ്: റിയൽമിയുടെ പുതിയ പ്രീമിയം മിഡ് റേഞ്ച് സ്മാർട്ഫോണായ റിയൽമി ക്യു3ടി (Realme Q3t) പുറത്തിറക്കി. 5ജി ഫോൺ ആണിത്. ചൈനീസ് വിപണിയിൽ ഫോണിന് 2,099 യുവാനാണ് വില. ഇത് ഇന്ത്യയിൽ ഏകദേശം 24,315 രൂപ വരും.
144 ഹെർട്സ് റിഫ്രഷ് റേറ്റുള്ള 6.6 ഇഞ്ച് ഡിസ്പ്ലേ, സ്നാപ്ഡ്രാഗൺ 778ജി പ്രൊസസർ, 5000 എംഎഎച്ച് ബാറ്ററി എന്നിവയാണുള്ളത്. എട്ട് ജിബി റാം, 256 ജിബി സ്റ്റോറേജ് ഓപ്ഷൻ മാത്രമാണ് റിയൽമി ക്യു3ടിയ്‍ക്കുള്ളത്. രണ്ട് നിറങ്ങളിലായിരിക്കും ഫോൺ എത്തുക.
6.6 ഇഞ്ച് ഫുൾ എച്ച്ഡി എൽസിഡി ഡിസ്പ്ലേ, 1080 x 2412 പിക്സൽ റസലൂഷൻ, 144 ഹെർട്സ് റിഫ്രഷ് റേറ്റ്, 600 nits ബ്രൈറ്റ്നെസ്, 90.8 ശതമാനം സ്ക്രീൻ ബോഡി അനുപാതം എന്നിവ ഫോണിനുണ്ട്.
ആൻഡ്രോയിഡ് 11 അടിസ്ഥാനമാക്കിയുള്ള റിയൽമി യുഐ 2.0 ആണ് ഫോണിൽ. മൈക്രോ എസ്ഡി കാർഡ് സ്ലോട്ടും ഫോണിനുണ്ട്.
48 എംപി പ്രൈമറി ക്യാമറ, രണ്ട് എംപി ഡെപ്ത് സെൻസർ, രണ്ട് എംപി മാക്രോ ലെൻസ് എന്നിവ ഉൾക്കൊള്ളുന്ന ട്രിപ്പിൾ റിയർ ക്യാമറ. സെൽഫികൾക്കും വീഡിയോകോളുകൾക്കുമായി 16 എംപി സെൽഫി ക്യാമറ എന്നിവയുണ്ട്.
5000 എംഎഎച്ച് ബാറ്ററിയിൽ 30 വാട്ട് അതിവേഗ ചാർജിങ് സൗകര്യമുണ്ട്.
Content Highlights: Realme Q3t 5G, Premium Smartphones, 5000 mAh battery
