മികച്ച ഡിറ്റോക്സ് പാനീയം
നാരങ്ങ, തേൻ എന്നിവ ചേർത്ത വെള്ളം ഒരു പ്രകൃതിദത്ത ഡിറ്റോക്സ് പാനീയമായി പ്രവർത്തിക്കുന്നു, ഇത് ശരീരത്തിൽ നിന്ന് വിഷാംശം ഇല്ലാതാക്കി നിങ്ങൾക്ക് തൽക്ഷണ ഊർജ്ജം നൽകുന്നു. വെറും വയറ്റിൽ ഇളം ചൂടോടെ ഇത് കുടിക്കുക.
ഊർജ്ജം മെച്ചപ്പെടുത്താം
ഈ പാനീയം ഒരു പ്രകൃതിദത്ത എനർജി ബൂസ്റ്ററാണ്. ഇത് വർക്ക്ഔട്ട് അല്ലെങ്കിൽ വ്യായാമ മുറയ്ക്കിടെ നിങ്ങൾക്ക് വേഗത്തിൽ ഊർജ്ജസ്രോതസ്സ് നൽകുന്നു. കഠിനമായ വർക്കൗട്ടുകൾക്ക് ശേഷം ഊർജ്ജ നില സ്ഥിരപ്പെടുത്താൻ ഇത് സഹായിക്കുന്നു.
നല്ല ദഹനത്തിന്
ചെറുനാരങ്ങയും തേനും ചെറുചൂടുള്ള വെള്ളത്തിൽ ചേർത്ത് കുടിക്കുന്നത് മലബന്ധം ഇല്ലാതാക്കുന്നതിനും ദഹനത്തെ പ്രോത്സാഹിപ്പിക്കുന്നതിനും അനുയോജ്യമായ ഒരു പാനീയമാണ്. വൻകുടൽ ശുദ്ധീകരിക്കാനും ശരീരത്തിലെ ദഹിക്കാത്ത ഭക്ഷണവും വിഷവസ്തുക്കളും നീക്കം ചെയ്യാനും ഈ പാനീയം ഗുണം ചെയ്യും.
പ്രതിരോധശേഷി മെച്ചപ്പെടുത്താം
വിറ്റാമിൻ സി, ബി കോംപ്ലക്സ്, ഫോസ്ഫറസ്, കാൽസ്യം, മഗ്നീഷ്യം എന്നിവ ഉൾപ്പെടുന്ന അവശ്യ പോഷകങ്ങളാൽ നിറഞ്ഞതാണ് ഈ പാനീയം. ശരീരത്തെ ഉത്തേജിപ്പിക്കുന്നതിനും വിഷവസ്തുക്കളെ നീക്കം ചെയ്യുന്നതിനും മൂത്രനാളിയിലെ അണുബാധ തടയുന്നതിനും ശരീരത്തെ അണുബാധകളിൽ നിന്ന് സംരക്ഷിക്കുന്നതിനും ഈ പോഷകങ്ങൾ സഹായിക്കുന്നു.
ചർമ്മത്തിന്റെ ആരോഗ്യത്തിന്
ഈ ചേരുവ ചർമ്മത്തിന് മാന്ത്രിക ഗുണങ്ങൾ നൽകുന്നു. ആൻറി ബാക്ടീരിയൽ ഗുണങ്ങളാൽ നിറഞ്ഞ ഈ പാനീയം രക്തം ശുദ്ധീകരിക്കുന്നതിനും കൊളാജൻ വർദ്ധിപ്പിക്കുന്നതിനും നിങ്ങളുടെ ചർമ്മത്തെ തിളക്കമുള്ളതും മൃദുലവുമാക്കുന്നതിനും സഹായിക്കുന്ന ഒരു പ്രകൃതിദത്ത ക്ലെൻസറായി പ്രവർത്തിക്കുന്നു.
ശരീരഭാരം നിയന്ത്രിക്കാൻ
നിങ്ങളുടെ ദിവസം തുടങ്ങാൻ പറ്റിയ ഏറ്റവും നല്ല പാനീയമാണ് നാരങ്ങയും തേനും ചേർത്ത വെള്ളം. ചെറുചൂടുള്ള വെള്ളത്തിൽ കുറച്ച് തുള്ളി തേനും ഒരു ടീസ്പൂൺ നാരങ്ങാനീരും ചേർത്ത് കുടിക്കുന്നത് ഉപാപചയ പ്രവർത്തനങ്ങളെ ഉത്തേജിപ്പിക്കുന്നു, ഇത് കൊഴുപ്പ് കത്തിക്കാനും സഹായിക്കുന്നു. അതുവഴി നമ്മുടെ ശരീരഭാരവും ഫലപ്രദമായി കുറയ്ക്കാൻ സാധിക്കുന്നതാണ്.
വൃക്കയിലെ കല്ലുകൾ ഇല്ലാതാക്കാൻ
കേന്ദ്രീകൃതവും അസിഡിറ്റി ഉള്ളതുമായ മൂത്രം മൂത്രമൊഴിക്കുമ്പോൾ മൂത്രനാളിയിൽ എരിച്ചിൽ ഉണ്ടാക്കുകയും കല്ലുകൾക്ക് കാരണമാവുകയും ചെയ്യും. തേനിന്റെ ആന്റിമൈക്രോബയൽ ഗുണവും നാരങ്ങയുടെ ഡൈയൂററ്റിക് ഫലവും ചേർന്ന് വൃക്കയിലെ കല്ലുകൾക്ക് കാരണമാകുന്ന ബാക്ടീരിയകളെയും മറ്റ് അനാവശ്യ ദോഷകരമായ വസ്തുക്കളെയും ശരീരത്തിൽ നിന്ന് പുറന്തള്ളുന്നു. കൂടാതെ, നാരങ്ങയിലും തേനിലും അടങ്ങിയിട്ടുള്ള സിട്രിക് ആസിഡിന്റെ ആധിക്യം ക്ഷാര സ്വഭാവമുള്ളതായിത്തീരുകയും വൃക്കയിൽ കല്ലുകൾ ഉണ്ടാകുന്നത് തടയുകയും ചെയ്യുന്നു.
ഹൃദയാരോഗ്യം മെച്ചപ്പെടുത്തുന്നു
സിട്രസ് പഴങ്ങൾ, പ്രത്യേകിച്ച് ഉയർന്ന അളവിൽ വിറ്റാമിൻ സി അടങ്ങിയവ കഴിക്കുന്നത് ഹൃദയസംബന്ധമായ പ്രശ്നങ്ങൾ ഒഴിവാക്കുന്നതിനും സ്ട്രോക്കുകൾ തടയുന്നതിനും വളരെയധികം ഉപയോഗപ്രദമാണെന്ന് നിരവധി പഠനങ്ങൾ സൂചിപ്പിക്കുന്നു. വൈറ്റമിൻ സി നല്ല അളവിൽ സമ്പുഷ്ടമായ നാരങ്ങ ഹൃദ്രോഗത്തിന് കാരണമാകുന്ന ഘടകങ്ങളെ തടയാൻ അത്ഭുതകരമായി പ്രവർത്തിക്കുന്നു. തേനിനൊപ്പം, ശരീരത്തിലെ ചീത്ത കൊളസ്‌ട്രോളിന്റെയും ട്രൈഗ്ലിസറൈഡിന്റെയും അളവ് കുറയ്ക്കുന്നതിൽ ഈ മാന്ത്രിക കഷായം ഒരു പ്രധാന പങ്ക് വഹിക്കുന്നു, ഇത് രക്തക്കുഴലുകളിൽ കൊഴുപ്പ് അടിഞ്ഞുകൂടുന്നത് തടയുന്നു, കൂടാതെ അതീറോസ്‌ക്ലീറോസിസ് പോലുള്ള മറ്റ് ഹൃദയസംബന്ധമായ പ്രശ്നങ്ങളും തടയാൻ സഹയിക്കുന്നു.
നീർക്കെട്ടിന് പരിഹാരം
ശരീരത്തിൽ വെള്ളം കെട്ടിക്കിടക്കുന്നത് പലപ്പോഴും പാദങ്ങൾ വീർക്കുന്നതിനും ഹൃദയത്തിലും രക്തത്തിലും സമ്മർദ്ദം ചെലുത്തുകയും ആത്യന്തികമായി നീർവീക്കത്തിലേക്കും രക്താതിമർദ്ദത്തിലേക്കും നയിക്കുകയും ചെയ്യും. നാരങ്ങ, തേൻ എന്നിവ ചേർത്ത പാനീയം ഒരു മികച്ച ഡൈയൂററ്റിക് ആയി പ്രവർത്തിക്കുകയും മൂത്രത്തിന്റെ ഉൽപാദനത്തിന് സഹായിക്കുകയും ചെയ്യുന്നു. അതിനാൽ, അതിരാവിലെ വെറും വയറ്റിൽ ഈ അത്ഭുതകരമായ പാനീയം ഒരു ഗ്ലാസ് കുടിക്കുന്നത് എഡിമ അഥവാ നീർക്കെട്ട് ചികിത്സിക്കുക മാത്രമല്ല, ഉയർന്ന രക്തസമ്മർദ്ദ പ്രശ്‌നങ്ങളെ നിയന്ത്രിക്കുകയും ചെയ്യുന്നു.
