ജിയോഫോൺ നെക്സ്റ്റ് ദീപാവലിയ്ക്ക് പുറത്തിറക്കുമെന്ന് സ്ഥിരീകരിച്ച് ഗൂഗിൾ സിഇഒ സുന്ദർ പിച്ചൈ. നവംബർ നാലിനാണ് ഫോൺ അവതരിപ്പിക്കുക. ജിയോയും, ഗൂഗിളും ചേർന്നാണ് ഈ സ്മാർട്ഫോൺ നിർമിക്കുന്നത്. വളരെ വിലക്കുറവിലുള്ള ഫോൺ ആയിരിക്കുമിത്. ഈ വർഷത്തെ മൂന്നാം പാദത്തിലെ വരുമാന കണക്കുകൾ വിശദീകരിക്കവെയാണ് സുന്ദർ പിച്ചൈ ഇക്കാര്യം വ്യക്തമാക്കിയത്.
ഫീച്ചർ ഫോണുകളിൽ നിന്ന് സ്മാർട്ഫോണുകളിലേക്ക് മാറാൻ ആഗ്രഹിക്കുന്നവരിൽ നിന്നുള്ള ആവശ്യം ഞങ്ങൾ മനസിലാക്കുന്നു. പ്രാദേശിക ഭാഷകളും ജനങ്ങളുടെ ആവശ്യങ്ങളും തിരിച്ചറിഞ്ഞുള്ള നിക്ഷേപമാണിത്. ഇതുവഴി കൂടുതൽ ആളുകൾക്ക് സ്മാർട്ഫോണുകളുടെ നേട്ടം പ്രയോജനപ്പെടുത്താനാവും. സുന്ദർ പിച്ചൈ പറഞ്ഞു.
മൂന്നോ നാലോ വർഷത്തിനുള്ളിൽ തന്നെ ഇതിന് വലിയൊരു സ്വാധീനമുണ്ടാക്കാനാവും. ഇന്ത്യ ഇപ്പോഴും ആവേശകരമായൊരു വിപണിയാണ് തങ്ങൾക്കെന്നും പിച്ചൈ പറഞ്ഞു.
ഒരു ക്വാൽകോം ചിപ്പ് സെറ്റിലായിരിക്കും ഫോണിന്റെ പ്രവർത്തനം എ്നാണ് റിപ്പോർട്ടുകൾ. 13എംപി ക്യാമറയും ഇതിലുണ്ടാവും. ആൻഡ്രോയിഡ് അടിസ്ഥാനമാക്കിയുള്ള പ്രഗതി ഓഎസ് ആയിരിക്കും ഇതിൽ.
Content Highlights: jiophone launch on diwali confirms sunder pichai
