സിഡ്‌നിക്ക് മുകളിൽ പറക്കും തളികയോ അതോ ചൈനീസ് റോക്കറ്റോ ?

ചൈന ലോംഗ് മാർച്ച് 3 ബി റോക്കറ്റ് ആണോ എന്ന് സംശയിക്കുന്ന ഒരു പറക്കുന്ന വസ്തു സിഡ്നിയിൽ ഇന്നലെ രാത്രി മുതൽ കാണപ്പെട്ടതായി നിരവധി പേർ സാക്ഷ്യപ്പെടുത്തുന്നു. ന്യൂ സൗത്ത് വെയിൽസിന് മുകളിലൂടെ ഇന്നലെ രാത്രി ആകാശത്തിലെ ഒരു മിന്നൽ എല്ലാവരെയും അദ്‌ഭുതപ്പെടുത്തി. ഒരു UFO യെ കണ്ടോ എന്ന് പലരും ആശ്ചര്യപ്പെട്ടു!

എന്നാലത് ചൈന വിക്ഷേപിച്ച ഒരു ബഹിരാകാശ റോക്കറ്റാണെന്നാണ് ഇപ്പോൾ വരുന്ന വാർത്തകൾ വെളിപ്പെടുത്തുന്നത്.

UFO sighting in Sydney, China Long March 3B rocket launch blamed.

മുകളിലുള്ള ഫോട്ടോയിൽ കാണുന്നതുപോലെ, സിഡ്നി, സെൻട്രൽ കോസ്റ്റ്, ഡബ്ബോ എന്നിവിടങ്ങളിലെ താമസക്കാർ തിങ്കളാഴ്ച രാത്രി മേൽപ്പടി പ്രസ്താവിച്ച പറക്കുന്ന വസ്തുവിന്റെ ദൃശ്യങ്ങൾ പോസ്റ്റ് ചെയ്തു. ബഹിരാകാശത്തേക്ക് ഒരു പുതിയ നാവിഗേഷൻ ഉപഗ്രഹം വിക്ഷേപിക്കുന്നതിന്റെ ഭാഗമായി ചൈന വിക്ഷേപിച്ച റോക്കറ്റിനെ സൂചിപ്പിക്കുന്നതായിരിക്കും ആ പ്ലൂമുകൾ എന്ന് വിദഗ്ദർ വിലയിരുത്തി.

“ഏകദേശം ഒരു മണിക്കൂർ മുമ്പ് ഓസ്‌ട്രേലിയയിലെ വിചിത്രമായ ലൈറ്റുകൾ ആരെങ്കിലും കാണുകയോ ദർശിക്കുകയോ ചെയ്‌തോ?” ജ്യോതിശാസ്ത്രജ്ഞനായ ബ്രാഡ് ടക്കർ ട്വിറ്ററിൽ കുറിച്ചു. “ഇത് ഒരു റോക്കറ്റിൽ നിന്നുള്ള പ്ലൂം ആണെന്ന് തോന്നുന്നു..ആ സമയത്ത് ചൈന ഒരു ലോംഗ് മാർച്ച് 3 ബി ആരംഭിച്ചതായി മാധ്യമങ്ങൾ റിപ്പോർട്ട് ചെയ്തിരുന്നു. അതിൽ നിന്നുള്ള പ്ലൂം ആകാം ഞങ്ങൾ കണ്ടത്. അദ്ദേഹം കൂട്ടിച്ചേർത്തു.

ലോംഗ് മാർച്ച് 3 ബി തിങ്കളാഴ്ച രാത്രി 6.20 ന് ചൈനയിൽ നിന്ന് വിക്ഷേപിച്ചതായി സംസ്ഥാന മാധ്യമങ്ങൾ പറയുന്നു. ഏകദേശം 30 മിനിറ്റിന് ശേഷം സിഡ്നിയിൽ കാണപ്പെട്ട പറക്കും വസ്തു അതായിരിക്കാം എന്നാണ് ഓസ്‌ട്രേലിയൻ ബഹിരാകാശ അധികൃതർ കരുതുന്നത്. കൂടുതൽ വിവരങ്ങൾ വരും ദിവസങ്ങളിൽ വെളിപ്പെടുമായിരിക്കും.

ഒരു പുതിയ ബഹിരാകാശ നിലയം നിർമ്മിക്കാൻ ചൈന ഇടയ്ക്കിടെ റോക്കറ്റുകൾ വിക്ഷേപിക്കുന്നതായി ലോകരാഷ്ട്രങ്ങൾക്ക് അറിവുള്ള കാര്യമാണ്. ഈ വർഷം ആദ്യം, ബഹിരാകാശ നിലയത്തിന്റെ ഭാഗമായി വിക്ഷേപിച്ച റോക്കറ്റിന്റെ ശകലങ്ങൾ ഒരാഴ്ചയിലധികം ഭ്രമണപഥത്തിൽ ഒഴുകി ഭൂമിയിലേക്ക് തിരിച്ചിറങ്ങിയത് വലിയ കോലാഹലങ്ങൾ സൃഷ്ടിച്ച വാർത്തയായിരുന്നു. ഇപ്പോൾ ഇതും ഒരു ചർച്ചയായിക്കൊണ്ടിരിക്കുന്നു.

ഓസ്‌ട്രേലിയൻ വാർത്തകളും, വിശേഷങ്ങളും തത്സമയം അറിയുവാനായി OZMALAYALAM WhatsApp/Facebook ഗ്രൂപ്പിൽ അംഗമാകാൻ — Follow this link to join Oz Malayalam WhatsApp group: https://chat.whatsapp.com/GXamgHEQmxLAZtd5ZXkUHF

Please Like our Facebook page >> https://www.facebook.com/OzMalayalam