അന്താരാഷ്ട്ര അതിർത്തികൾ വീണ്ടും തുറക്കാനുള്ള ഓസ്‌ട്രേലിയൻ പദ്ധതിയിൽ ആശങ്കകളും, അവ്യക്തതകളും ദുരൂഹമാകുന്നു.

നിരവധി ഓസ്‌ട്രേലിയക്കാർ അന്താരാഷ്ട്ര യാത്രകൾ നടത്താൻ അതീവ തല്പരരായി നിലകൊള്ളുന്നു എന്നതാണ്, ട്രാവൽ ഏജന്റുമാരും, എയർലൈൻ വക്താക്കളും അവർക്ക് ദിനംപ്രതി വരുന്ന ഫോൺ കോളുകളെ ആസ്പദമാക്കി റിപ്പോർട്ട് ചെയ്യുന്നത്. പക്ഷേ ഇത് എങ്ങനെ പ്രവർത്തിക്കുമെന്നതിനെക്കുറിച്ച് ആർക്കും ഒരു ഉത്തരവുമില്ല. വ്യോമയാന, ടൂറിസം വ്യവസായത്തിൽ വ്യാപരിക്കുന്നവർക്ക് അറിയാത്ത ഒരുപാട് കാര്യങ്ങളുണ്ട്. അതിനുള്ള ഉത്തരങ്ങൾ ഫെഡറൽ സർക്കാരിൽ നിന്നുമാണ് ലഭിക്കേണ്ടത്. ആ ഉത്തരങ്ങളുടെ ഉത്തരുവുകൾ അടുത്ത മാസത്തോടെയെങ്കിലും വേണ്ടപ്പെട്ട അധികാരികളിലൂടെ ലഭിക്കുമെന്ന പ്രതീക്ഷയിലാണ് യാത്രക്കാരും, അതുമായി ബന്ധപ്പെട്ട മേഖലകളിൽ പ്രവർത്തിക്കുന്നവരും.

പ്രധാന ആശങ്കകൾ

ഓസ്ട്രേലിയയുടെ അന്താരാഷ്ട്ര അതിർത്തികൾ എപ്പോൾ, എങ്ങനെ തുറക്കപ്പെടും എന്നതിനെക്കുറിച്ചുള്ള ഉത്തരങ്ങളാണ് വ്യോമയാന വ്യവസായം ആഗ്രഹിക്കുന്നത്.
ദേശീയ പദ്ധതി വളരെ അവ്യക്തമാണെന്നും ചില സംസ്ഥാനങ്ങൾ ഇത് പാലിക്കില്ലെന്ന് ആശങ്കയുണ്ടെന്നും വിദഗ്ദ്ധർ പറയുന്നു.
ഓസ്‌ട്രേലിയൻ ടൂറിസത്തെ പ്രോത്സാഹിപ്പിക്കുന്നതിൽ നിർണായകമായ ക്വാറന്റൈൻ ഒഴിവാക്കുമോ?
വിദേശത്തുള്ള ഓസ്‌ട്രേലിയൻ പൗരന്മാർ, PR ഉള്ളവർ, വിദ്യാര്തഥി വിസയിലുള്ളവർ എന്നിവർക്ക് രണ്ട് ഡോസ് വാക്സിനേഷൻ കഴിഞ്ഞാൽ ഓസ്‌ട്രേലിയിലേക്ക് വരാനുള്ള സാധ്യത , നിലവിൽ സർവീസ് ഉള്ള എയർലൈനുകളിൽ ‘സീറ്റിങ് കപ്പാസിറ്റി’ ഉയർന്ന തോതിൽ വർദ്ധിപ്പിക്കുമോ ?

ദേശീയ പദ്ധതി പ്രകാരം, 80 ശതമാനം ഓസ്‌ട്രേലിയക്കാർക്കും ഇരട്ട പ്രതിരോധ കുത്തിവയ്പ്പ് നൽകുമ്പോൾ, “സുരക്ഷിത രാജ്യങ്ങളുമായി ആന്തരികവും ബാഹ്യവുമായ അന്താരാഷ്ട്ര യാത്രകൾ സാധ്യമാക്കുകയും, അന്താരാഷ്ട്ര അതിർത്തികൾ ക്രമേണ പടിപടിയായി വീണ്ടും തുറക്കപ്പെടുകയും ചെയ്യും. കൂടാതെ ആനുപാതികമായ ക്വാറന്റൈനും, പൂർണ്ണമായി പ്രതിരോധ കുത്തിവയ്പ് ഉള്ള യാത്രക്കാർക്കുള്ള ആവശ്യകതകളുടെ കടുംപിടുത്തങ്ങളും നന്നേ ലഘൂകരിക്കപ്പെടും “

ഓസ്‌ട്രേല്യക്കകത്തെ അന്താരാഷ്ട്ര അതിർത്തികൾ ക്രിസ്മസിന് “ഏറ്റവുംഉചിത സമയത്ത്” വീണ്ടും തുറക്കുമെന്ന് പ്രതീക്ഷിക്കുന്നു എന്നാണ് ടൂറിസം മന്ത്രി ഡാൻ തെഹാൻ പറഞ്ഞത്.

ക്വാണ്ടാസ് പോലുള്ള വിമാനക്കമ്പനികൾ ഡിസംബർ പകുതി മുതൽ ലണ്ടൻ, യുണൈറ്റഡ് സ്റ്റേറ്റ്സ്, സിംഗപ്പൂർ, ജപ്പാൻ, കാനഡ എന്നിവിടങ്ങളിലേക്ക് ടിക്കറ്റ് വിൽക്കുന്നതിൽ ശ്രദ്ധാലുവായിരിക്കുമ്പോൾ, വ്യോമയാന വ്യവസായത്തിലെ മറ്റുള്ളവർ ടൈംലൈനിനെക്കുറിച്ചും, വീണ്ടും തുറക്കുന്നത് എങ്ങനെ പ്രവർത്തിക്കുമെന്നതിനെക്കുറിച്ചുള്ള വ്യക്തതക്കുറവിനെക്കുറിച്ചും ആശങ്കാകുലരാണ്. അധിക അന്താരാഷ്ട്ര വിമാനങ്ങൾ കൈകാര്യം ചെയ്യുന്നതിനായി വിമാനത്താവളങ്ങൾ നിലവിൽ റിസോഴ്സ് ചെയ്തിട്ടില്ലെന്നും, സേവനങ്ങളുടെ വർദ്ധനവ് എങ്ങനെ ആസൂത്രണം ചെയ്യാമെന്നതിനെക്കുറിച്ച് എല്ലാ തലങ്ങളിലുമുള്ള സർക്കാരുകളിൽ നിന്നും വ്യവസായവുമായി പരിമിതമായ ഇടപെടലുകളുണ്ടെന്നും, ബോർഡ് ഓഫ് എയർലൈൻസ് റെപ്രസന്റേറ്റീവ്സ് ഓസ്ട്രേലിയ (ബാര) പറഞ്ഞു.

ലോകത്തിലെ എയർലൈനുകളിൽ 82 ശതമാനവും പ്രതിനിധീകരിക്കുന്ന ഇന്റർനാഷണൽ എയർ ട്രാൻസ്പോർട്ട് അസോസിയേഷൻ (IATA), ചില കാരിയറുകൾക്ക് ഓസ്‌ട്രേലിയയിലേക്ക് സർവ്വീസ് നടത്താൻ അനിശ്ചിതത്വം തുടരുകയാണെങ്കിൽ, മറ്റേതെങ്കിലും രാജ്യങ്ങൾ പറക്കാൻ തിരഞ്ഞെടുക്കുമെന്ന് മുന്നറിയിപ്പ് നൽകി. പിന്നീട് ഓസ്‌ട്രേലിയ അതിർത്തികൾ തുറക്കുമ്പോൾ ഈ എയർലൈനുകൾ വീണ്ടും സർവ്വീസ് നടത്തുമോ എന്നത് കണ്ടറിയണം. പകർച്ചവ്യാധിക്ക് മുമ്പ്, 52 എയർലൈനുകൾ ഓസ്‌ട്രേലിയയിൽ സർവീസ് നടത്തിയിരുന്നുവെങ്കിലും ഇപ്പോൾ 18 എണ്ണം മാത്രമാണുള്ളത്. ലോകത്തിന്റെ ചില ഭാഗങ്ങൾ തുറക്കുന്നു, അതിനാൽ എയർലൈനുകൾ അവരുടെ പ്രവർത്തനത്തിനും, അവരുടെ നെറ്റ്‌വർക്കിനും, വരുമാന നേട്ടത്തിനും മുൻഗണന നൽകണം. എയർലൈനുകൾക്ക് യൂറോപ്പിലേക്ക് കൂടുതൽ പറക്കാൻ കഴിയുമെങ്കിൽ, അങ്ങോട്ടേക്ക് ആയിരിക്കും കൂടുതൽ സർവ്വീസുകൾ നടത്തുക ” IATA ഏഷ്യ പസഫിക് വൈസ് പ്രസിഡന്റ് ഫിലിപ്പ് ഗോ പറഞ്ഞു.

ഓസ്‌ട്രേലിയൻ വാർത്തകളും, വിശേഷങ്ങളും തത്സമയം അറിയുവാനായി OZMALAYALAM WhatsApp/Facebook ഗ്രൂപ്പിൽ അംഗമാകാൻ — Follow this link to join Oz Malayalam WhatsApp group: https://chat.whatsapp.com/GXamgHEQmxLAZtd5ZXkUHF

Please Like our Facebook page >> https://www.facebook.com/OzMalayalam