തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട് എന്നീ ജില്ലകളിലെ ഒറ്റപ്പെട്ടയിടങ്ങളിൽ മണിക്കൂറിൽ 41 മുതൽ 61 കി.മീ വരെ വേഗതയിൽ വീശിയടിച്ചേക്കാവുന്ന കാറ്റിനും ഇടിമിന്നലോടുകൂടിയ മഴയ്ക്കും സാധ്യതയുണ്ട്. വയനാട്, കണ്ണൂർ, കാസർകോട് എന്നീ ജില്ലകളിലെ ഒറ്റപ്പെട്ടയിടങ്ങളിൽ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ചൊവ്വാഴ്ച (28-09-2021) കണ്ണൂർ, കാസർകോട് ജില്ലകളിൽ യെല്ലോ അലേർട്ട്ട് പ്രഖ്യാപിച്ചു. ഇവിടെ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിച്ചേക്കും.
ഗുലാബ് ചുഴലിക്കാടിൻ്റെ തീവ്രത കേരളത്തെ ബാധിക്കില്ലെന്ന റിപ്പോർട്ടുകൾ ഉണ്ടായിരുന്നുവെങ്കിലും സംസ്ഥാനത്തെ പല ജില്ലകളിലും മഴ തുടരുകയാണ്. മധ്യകേരളത്തിൽ മഴ തുടരുകയാണ്. കേരള തീരത്ത് കടലിൽ പൊകുന്നത് ദുരന്ത നിവാരണ അതോറിറ്റി പൂർണ്ണ വിലക്കേർപ്പെടുത്തി. കേരളം – ലക്ഷ്വദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന നിർദേശം നൽകിയിട്ടുണ്ട്.
നാല് മാസത്തിനിടയിൽ ഒഡീഷയിൽ വീശുന്ന നാലാമത്തെ ചുഴലിക്കാറ്റാണ് ഗുലാബ്. മണിക്കൂറിൽ 95 കിലോമീറ്റർ വേഗതയോടെ ഞായറാഴ്ച വൈകിട്ട് ആറ് മണിക്ക് ആന്ധ്ര– ഒഡീഷ തീരത്ത് പ്രവേശിച്ചു. ഒഡീഷ ദുരന്തനിവാരണ സേനയിലെ 42 സംഘത്തെയും ദേശീയ ദുരന്തനിവാരണ സേനയിലെ 24 സംഘത്തെയും നിയോഗിച്ചിട്ടുണ്ട്. പോലീസും ഫയർ ഫോഴ്സും പ്രവർത്തന സജ്ജരായി രംഗത്തുണ്ട്. ചുഴലിക്കാറ്റ് കടന്നു പോകുന്നതുവരെ ജനങ്ങൾ വീടുകളിൽ തന്നെ കഴിയണമെന്ന് നവീൻ പട്നായിക്ക് അഭ്യർത്ഥിച്ചു.
