ഭാരം കുറയ്ക്കണോ? എങ്കിൽ ദിവസവും കറുവപ്പട്ട ചേർത്തൊരു ചായയാകാം

ഇഷ്ട ഭക്ഷണങ്ങളും മധുരപലഹാരങ്ങളും ഒക്കെ കഴിക്കുന്നതിൽ നിന്നും ആർക്കും നിങ്ങളെ പിന്തിരിപ്പിക്കാനാവില്ല. നിങ്ങളുടെ നാവിനെ മയക്കുന്ന ലഡുവും ജിലേബിയും രുചിമുകുളങ്ങൾക്ക് ആനന്ദം പകരുന്ന നല്ല മൊരിഞ്ഞ ചിക്കൻ ഫ്രൈ തുടങ്ങിയവയെപ്പറ്റി ഓർക്കുമ്പോൾ തന്നെ തന്നെ നാവിൽ വെള്ളമൂറാറില്ലെ. അതെല്ലാം കൊണ്ടുതന്നെ ഇത്തരം ഇഷ്ടഭക്ഷണങ്ങൾ ഒക്കെ വേണ്ടെന്ന് വെക്കാൻ പറയുന്നത് അല്പം ബുദ്ധിമുട്ടുള്ള കാര്യമാണ്. എന്നാൽ ആരോഗ്യകാര്യത്തിലും ശരീരഭാര നിയന്ത്രണത്തിൻ്റെ കാര്യത്തിലും ഒക്കെ മുൻഗണന നൽകുന്നവരാണെങ്കിൽ ഓരോ തവണയും ഇത്തരത്തിൽ നിങ്ങളുടെ പ്രിയ ഭക്ഷണങ്ങൾ കഴിച്ചു കഴിയുമ്പോൾ സ്വയമേ വിഷമം അനുഭവിക്കുക സാധാരണമാണ്. കാരണം വേറൊന്നുമല്ല, ഓരോ തവണയും ഇത്തരത്തിൽ ഇഷ്ടഭക്ഷണങ്ങൾ കഴിച്ചു കഴിയുമ്പോൾ ക്ഷണിക്കപ്പെടാതെ വന്നെത്തുന്നത് അമിതമായ ശരീരഭാരത്തിൻ്റെ പ്രശ്നങ്ങളാണ്.

കലോറിയും കാർബോഹൈഡ്രേറ്റുകളും കൂടുതൽ അടങ്ങിയിരിക്കുന്ന ഭക്ഷണങ്ങൾ പതിവായി കഴിക്കുമ്പോൾ ഏതൊരാളിലും പെട്ടെന്ന് തടി കൂടുന്നത് സാധാരണയാണ്. ശരീരഭാരം പെട്ടന്ന് വർദ്ധിക്കുന്ന സാഹചര്യത്തിൽ കഠിനമായ വ്യായാമങ്ങൾ ചെയ്തും മറ്റും ആളുകൾ ഇത് കുറയ്ക്കാൻ ശ്രമിക്കും. നിങ്ങളുടെ ശരീരഭാരം വർദ്ധിക്കുന്ന സന്ദർഭങ്ങളിൽ ഇതിനെ നേരിടാൻ കഴിയുന്ന ചില എളുപ്പവഴികൾ ഉണ്ട്. അവ പിന്തുടരുന്നത് ശരീരഭാരം കുറയ്ക്കാനുള്ള നിങ്ങളുടെ യാത്രയെ സഹായിക്കും. രാത്രിയിൽ കറുവപ്പട്ട ഇട്ട് തയ്യാറാകുന്ന ചായ കഴിക്കുന്നത് അതിലൊന്നാണ്. ശരീരത്തിൽ അടിഞ്ഞുകൂടുന്ന കഠിനമായ കൊഴുപ്പിനെ ചെറുത്തു നിർത്താൻ ഇത് സഹായിക്കും.

കറുവപ്പട്ട
സുഗന്ധവ്യഞ്ജനങ്ങളിൽ പ്രധാനിയായ കറുവപ്പട്ടയിൽ മാംഗനീസ്, അയൺ, ഫൈബർ, കാൽസ്യം, വിറ്റാമിൻ കെ എന്നിവയെല്ലാം ഉയർന്ന അളവിൽ അടങ്ങിയിട്ടുണ്ട്. അതുകൊണ്ടുതന്നെ ഇത് പണ്ടുമുതലേ ആയുർവേദവിധിപ്രകാരം പല കാര്യങ്ങൾക്കായി ഉപയോഗിച്ചു വരുന്നുണ്ട്. അതിശയകരമായ ആരോഗ്യ ഗുണങ്ങൾക്ക് പേരുകേട്ട കറുവപ്പട്ട കറികളിലും പാനീയങ്ങളിലും സ്മൂത്തികളിലും ഒക്കെ ഉപയോഗിച്ചു വരുന്നു. ഇതിനു മുൻപ് നിങ്ങൾ കറുവപ്പട്ട ചേർത്ത് തയ്യാറാക്കുന്ന രുചിയേറിയ ചായ പരീക്ഷിച്ചു നോക്കിയിട്ടില്ലെങ്കിൽ അതിനുള്ള സമയമായി. നിങ്ങളുടെ തടി കുറയ്ക്കാനുള്ള യാത്രയിൽ ഇത് ഉറപ്പായും സഹായം ചെയ്യും.

കറുവപ്പട്ട ചായ എങ്ങനെ സഹായിക്കുന്നു?
കറുവപ്പട്ട ചായയിൽ ധാരാളം പോഷകങ്ങൾ അടങ്ങിയിട്ടുണ്ട്, ഇത് ശരീരത്തിലെ മെറ്റബോളിസം വർദ്ധിപ്പിക്കുകയും നിങ്ങളുടെ കൊളസ്ട്രോളിന്റെയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യും. ആൻറി-ഇൻഫ്ലമേറ്ററി ഗുണങ്ങൾ അടങ്ങിയിട്ടുള്ള ഇവ ശരീരത്തിൽ കൂടുതൽ കലോറി അടിഞ്ഞുകൂടുന്നത് ഒഴിവാക്കി വയർ കുറയ്ക്കാൻ സഹായിക്കുന്നു. ദഹനത്തെ മെച്ചപ്പെടുത്തിക്കൊണ്ട് കൂടുതൽ കലോറി എരിയിച്ചു കളയുന്നതിന് ഇത് സഹായം ചെയ്യും.

ശരീരത്തിന് ഉപാപചയ നിരക്ക് വർദ്ധിപ്പിക്കാൻ കറുവപ്പട്ടയ്ക്ക് കഴിവുണ്ട്. പലപ്പോഴും, ഒരു വ്യക്തിയിൽ ഇൻസുലിൻ പ്രതിരോധശേഷി കുറയുമ്പോൾ ശരിയായ രീതിയിൽ ഉപാപചയം നടക്കാതെ വരികയും പഞ്ചസാര കൂടുതൽ കലോറി ഉല്പാദിപ്പിച്ച്കൊണ്ട് അത് കൊഴുപ്പായി മാറുകയും ചെയ്യുന്നു. കറുവപ്പട്ട ഇൻസുലിൻ നില ഉയർത്താനും നമ്മൾ കഴിക്കുന്ന ഭക്ഷണങ്ങളിൽ നിന്ന് പഞ്ചസാരയെ ഏറ്റവും മികച്ച രീതിയിൽ മെറ്റബോളിസം ചെയ്ത് നീക്കാനും സഹായിക്കും.

കറുവപ്പട്ട ചായ എങ്ങനെ തയ്യാറാക്കാം :
നിങ്ങളുടെ തടി കുറയ്ക്കാൻ സഹായിക്കുന്ന കറുവപ്പട്ട ഇട്ട ചായ എങ്ങനെ തയ്യാറാക്കാമെന്ന് നോക്കിയാലോ?

ആവശ്യമായ ചേരുവകൾ :
> 1 കപ്പ് വെള്ളം
> 1 ടീസ്പൂൺ കറുവപ്പട്ട പൊടിച്ചതോ അല്ലെങ്കിൽ ഒരു ചെറിയ കഷ്ണം കറുവപ്പട്ടയോ
> 1 ടീസ്പൂൺ തേൻ
> 1/4 ടീസ്പൂൺ കുരുമുളക് പൊടി
> 1 ടീസ്പൂൺ നാരങ്ങ നീര്

എങ്ങനെ തയ്യാറാക്കാം:
അടുപ്പത്ത് വെള്ളം വച്ച് തിളപ്പിക്കുക, കറുവപ്പട്ട പൊടി, കുരുമുളക് പൊടി, തേൻ, നാരങ്ങ നീര് എന്നിവ ചേർത്ത് നന്നായി ഇളക്കുക. ഈ മിശ്രിതം ശരിയായി തിളച്ചുകഴിയുന്നത് വരെ നന്നായി ഇളക്കുക. പാനീയം അരിച്ചെടുത്ത് ചൂടോടെ തന്നെ കുടിക്കുക. ദിവസവും രാത്രി ഉറങ്ങുന്നതിനു മുൻപായി ദൈനംദിന ഭക്ഷണശീലത്തോടൊപ്പം ഇത് ചേർക്കുക. ഉറങ്ങുന്നതിനു മുൻപേ ഇത് കുടിക്കുന്നത് ശീലമാക്കിയാൽ ഇത് പ്രതിരോധശേഷി വർദ്ധിപ്പിക്കുന്നതോടൊപ്പം ക്ഷീണിച്ച പേശികളെ വിശ്രമിക്കാൻ അനുവദിക്കുകയും കൊഴുപ്പ് അടിഞ്ഞുകൂടുന്നത് വേഗത്തിൽ കത്തിച്ചു കളയാൻ സഹായിക്കുകയും ചെയ്യും.