കേരളത്തിൽ ഇതുവരെ ഒൻപത് പേര്‍ ഫംഗസ് ബാധയെ തുടര്‍ന്ന് മരിച്ചിട്ടുണ്ട്. ഇന്നലെ മാത്രം നാല് പേരാണ് മരിച്ചത്. നിലവിൽ 35 പേരാണ് ചികിത്സയിൽ കഴിയുന്നത്.
മലപ്പുറത്താണ് ഏറ്റവുമധികം ആളുകള്‍ക്ക് രോഗബാധയുള്ളത്. 11 പേര്‍ക്കാണ് രോഗം വന്നിരിക്കുന്നത്. രണ്ടാമത് കണ്ടെത്തിയ ജില്ല കോഴിക്കോടാണ്. ഇവിടെ ആറ് പേര്‍ ചികിത്സയിലുണ്ട്.
മറ്റ് സംസ്ഥാനങ്ങളുടെ കണക്ക് പരിശോധിച്ചാൽ തൃശൂര്‍ ജില്ലയിലും പാലക്കാട് ജില്ലയിലും അഞ്ച് വീതം രോഗികളായാണ് കണ്ടെത്തിയത്. എറണാകുളം ജില്ലയിൽ നാല് പേരാണുള്ളത്. തിരുവനന്തപുരത്ത് മൂന്ന് പേരും കൊല്ലം, പത്തനംതിട്ട, കോട്ടയം ജില്ലകളില്‍ രണ്ട് രോഗികള്‍ വീതവുമാണുള്ളത്. കണ്ണൂരിൽ ഒരാള്‍ക്കും രോഗബാധ കണ്ടെത്തിയിട്ടുണ്ട്.
രോഗം കൂടുതൽ ആവയവങ്ങളിലേക്ക് ബാധിക്കാതിരിക്കാൻ രോഗബാധ ചികിത്സ തുടങ്ങണമെന്നും ആരോഗ്യവകുപ്പ് അറിയിച്ചു. ആന്റി ഫംഗൽ മരുന്നായ ആംഫോടെറിസിൻ ബി എന്ന മരുന്നാണ് പ്രധാനമായും ഉപയോഗിക്കുന്നത്.
അതേസമയം, സംസ്ഥാനത്ത് ആംഫോടെറിസിൻ ബി എന്ന മരുന്നിന് ക്ഷാമം നേരിടുന്നതായും റിപ്പോര്‍ട്ടുണ്ട്. വിവിധ ജില്ലകളില്‍ ഇതിനായുള്ള മരുന്ന കിട്ടാനില്ല. രോഗപ്രതിരോധ ശേഷി കുറഞ്ഞ ആളുകള്‍ക്കാണ് രോഗബാഥ കുടുതലായും കണ്ടുവരുന്നത്.
രാജ്യത്ത് ഇത്തരത്തിൽ ഫംഗസ് ബാധ വര്‍ദ്ധിച്ച് വരികയാണ്. കേന്ദ്ര ആരോഗ്യമന്ത്രി ഹര്‍ഷ വര്‍ദ്ധൻ അറിയിച്ചത് പ്രകാരം നിര്‍വിൽ 5424 പേ‍ർക്ക് രോഗബാധ കണ്ടെത്തിയതാണെന്നും ഇതിൽ 4556 പേര്‍ കൊവിഡ് സ്ഥിരീകരിച്ചവരാണെന്നും 55 ശതമാനം ആളുകള്‍ക്കും പ്രമേഹബാധയുണ്ടെന്നും മന്ത്രി വ്യക്തമാക്കി. സംസ്ഥാനത്തെ 18 സംസ്ഥാനങ്ങളിലും കേന്ദ്ര ഭരണപ്രദേശങ്ങളിലുമാണ് രോഗബാധ കണ്ടെത്തിയിരിക്കുന്നത്.
