ധർമ്മരാജന്റെ ഹവാല റാക്കറ്റിൽ പെട്ട റഷീദ് എന്നയാളാണ് കവർച്ച സംഘത്തിന് വിവരം ചോർത്തിക്കൊടുത്തത്. കർണ്ണാടകത്തിൽ നിന്നാണ് ഹവാല പണം എത്തിയതെന്നാണ് പോലീസ് കണ്ടെത്തിയിരിക്കുന്നത്. ആലപ്പുഴയിലെ ബിജെപി നേതാക്കൾക്ക് പണം കൈമാറാനായിരുന്നു നിർദ്ദേശം.
കമ്മീഷൻ വ്യവസ്ഥയിലാണ് ധർമ്മരാജൻ ഇടനിലക്കാരനായത്. ആർഎസ്എസ് പ്രവർത്തകനായ ഇയാൾ സംസ്ഥാനത്തെ ചില മുതിർന്ന ബിജെപി നേതാക്കളുടെ വിശ്വസ്ഥനാണെന്ന് ഏഷ്യാനെറ്റ് റിപ്പോർട്ട് ചെയ്തു. ഈ അടുപ്പം മൂലമാണ് പണം കടത്താനുള്ള ഉത്തരവാദിത്വം ധർമ്മരാജനെ ഏൽപ്പിച്ചതെന്നും റിപ്പോർട്ടിൽ പറയുന്നു.
Also Read:
അടുത്തകാലത്ത് മംഗലാപുരം വഴി ധർമ്മരാജൻ കേരളത്തിലേക്ക് കോടികളുടെ ഹവാല പണം എത്തിച്ചിട്ടുണ്ടെന്നാണ് പോലീസ് സംശയിക്കുന്നത്. പ്രതികളിൽ നിന്നും അത്തരത്തിലുള്ള സൂചന പോലീസിന് ലഭിച്ചിട്ടുണ്ട്.
കവർച്ച ചെയ്യുന്നതിൽ ഒരു പങ്ക് തനിക്ക് നൽകണമെന്ന വ്യവസ്ഥയിലാണ് ധർമ്മരാജന്റെ ഹവാല റാക്കറ്റിൽ പെട്ട റഷീദ് കവർച്ചാ സംഘത്തിന് വിവരം ചോർത്തിയത്. ഇതു സംബന്ധിച്ച ടെലിഫോൺ രേഖകൾ പോലീസ് കണ്ടെത്തിയിട്ടുണ്ട്.
