ബംഗളുരു: മയക്കുമരുന്നുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ജയിലിൽ കഴിയുന്ന ബിനീഷ് കോടിയേരിയുടെ ജാമ്യ ഹർജി വീണ്ടും മാറ്റി. ജൂൺ രണ്ടിലേക്കാണ് ഹർജി മാറ്റിയിരിക്കുന്നത്. വീഡിയോ കോൺഫ്രൻസ് വഴി കർണ്ണാടക ഹൈക്കോടതിയുടെ അവധിക്കാല ബെഞ്ചാണ് കേസ് പരിഗണിച്ചത്, മാധ്യമം റിപ്പോർട്ട് ചെയ്തു.
നാർക്കോട്ടിക്സ് കൺട്രോൾ ബ്യൂറോ രജിസ്റ്റർ ചെയ്ത മയക്കുമരുന്ന് കേസിൽ രണ്ടാം പ്രതിയായ മുഹമ്മദ് അനൂപിന് സാമ്പത്തിക സഹായം നൽകിയതായും ബിനീഷിന് ഇത്തരത്തിലുള്ള ബിസിനസിൽ നിന്നും വൻ തുക ലഭിച്ചെന്നുമാണ് എൻഫോഴ്സ്മെന്റ് ഡയറക്ട്രേറ്റിന്റെ വാദം.
പച്ചക്കറി-മത്സ്യ മൊത്ത വ്യാപാരത്തിൽ നിന്നാണ് തനിക്ക് പണം ലഭിച്ചിരുന്നതെന്ന് ബിനീഷ് കഴിഞ്ഞ ആഴ്ച ജാമ്യ ഹ‍ര്‍ജിയിലെ വാദത്തിൽ പറഞ്ഞത്. പിതാവ് കോടിയേരി ബാലകൃഷ്ണന്റെ ആരോഗ്യ നില ചൂണ്ടിക്കാട്ടിയാണ് ബിനീഷ് ജാമ്യ ഹ‍ര്‍ജിയുമായി കോടതിയെ സമീപിച്ചത്.
