റിയാദ് > ഈദാഘോഷത്തിന്റെ ഭാഗമായി കേളി കലാസാംസ്കാരിക വേദി മാപ്പിളപ്പാട് മത്സരം സംഘടിപ്പിച്ചു. ഓണ്ലൈനില് നടന്ന മത്സരത്തില് റിയാദിലെ വിവിധ ഭാഗങ്ങളില് നിന്നായി നിരവധി കുട്ടികള് പങ്കാളികളായി.
മാപ്പിളപ്പാട്ട് മത്സര പരിപാടി കേളി ജീവകാരുണ്യ വിഭാഗം കണ്വീനര് നസീര് മുള്ളൂര്ക്കര ഉദ്ഘാടനം ചെയ്തു. കുടുംബവേദി സെക്രട്ടറി സീബ കൂവോട് മത്സര പരിപാടികള് നിയന്ത്രിച്ചു. രക്ഷാധികാരി കമ്മിറ്റി കണ്വീനര് കെപിഎം സാദിഖ്, ആക്റ്റിംങ് സെക്രട്ടറി ടിആര് സുബ്രഹ്മണ്യന്, പ്രസിഡന്റ് ചന്ദ്രന് തെരുവോത് എന്നിവര് സംസാരിച്ചു. സാംസ്കാരിക കമ്മിറ്റി കണ്വീനര് കെപി സജിത് സ്വാഗതം പറഞ്ഞു. മുഹ്സിന് കുരുക്കള്, അഷ്റഫ് പുളിക്കല്, അനില് കുമാര് എന്നിവര് അടങ്ങിയ ജഡ്ജിങ് പാനലാണ് വിജയികളെ തീരുമാനിച്ചത്. പരിപാടി മൂന്ന് മണിക്കൂറോളം നീണ്ട മത്സര പരിപാടികള് വിലയിരുത്തി വിജയികളെ തീരുമാനിച്ചത്.
ജൂനിയര് വിഭാഗത്തില് ഷദ അബൂബക്കര് ഒന്നാം സ്ഥാനവും മുഹമ്മദ് നഫാദ്, മുഹമ്മദ് അര്മ്മാന് അലി എന്നിവര് രണ്ടാം സ്ഥാനവും കെഎ ദുര്ഗ, വിഎന് ദേവന, അബ്ദുല് റഹ്മാന് ദിലീഫ് എന്നിവര് മൂന്നാം സ്ഥാനവും കരസ്ഥമാക്കി.
സീനിയര് വിഭാഗത്തില് അനീഖ് ഹംദാന് ഒന്നാം സ്ഥാനവും, നേഹ പുഷ്പരാജ്, ഫിദ ഫാത്തിമ, മുഹമ്മദ് എന്നിവര് രണ്ടാം സ്ഥാനവും, ഹന്നാന് ശിഹാബ്, നൈറ ഷഹദാന് എന്നിവര് മൂന്നാം സ്ഥാനവും കരസ്ഥമാക്കി. സാംസ്കാരിക വിഭാഗം ചെയര്മാന് പ്രതീപ് കുമാര് നന്ദി പറഞ്ഞു.
