കോഴിക്കോട് ജില്ലാ അസോസിയേഷൻ കുവൈത്ത്‌ കുടുംബ ക്ഷേമ സഹായം വിതരണം ചെയ്തു

കുവൈത്ത് സിറ്റി > കോഴിക്കോട് ജില്ല അസോസിയേഷൻ കുവൈത്ത് ഫഹാഹിൽ ഏരിയ അംഗം പരേതനായ കൊയമ്പുറത്ത് സലീമിന്റെ കുടുംബത്തിനുള്ള കുടുംബ ക്ഷേമ പദ്ധതി വീട്ടിൽവെച്ച് കക്കോടി പഞ്ചായത്ത് പ്രസിഡന്റ് കെ പി ഷീബയും അസോസിയേഷൻ രക്ഷാധികാരി സിറാജ് എരഞ്ഞിക്കലും ചേർന്ന് കുടുംബത്തിന് കൈമാറി. പ്രസ്തുതചടങ്ങിൽ കക്കോടി പഞ്ചായത്ത് വാർഡ് മെമ്പർ പ്രമീള, സാമൂഹിക പ്രവർത്തകൻ പ്രസാദ്, കൂടാതെ അസോസിയേഷൻ പ്രതിനിധികളായ ജനറൽ സെക്രട്ടറി ജാവേദ് ബിൻ ഹമീദ്, മുൻ കേന്ദ്ര നിർവാഹക സമീതി അംഗങ്ങളായ ഹസ്സൻ കോയ, വാരിജാക്ഷൻ, മുനീർ മരയ്ക്കാൻ, റസാക്ക് കാലിക്കറ്റ്, ഫഹാഹീൽ ഏരിയ അംഗം നസീർ താമര കുന്നത്ത്,എന്നിവർ പങ്കെടുത്തു.