ദുബായ് പൊലീസിന്റെ ഹെലികോപ്റ്റർ ഷെയ്ഖ് സായിദ് റോഡിൽ ഇറക്കി

ദുബായ്> ദുബായ് പോലീസിന്റെ ഹെലികോപ്റ്റർ ഷെയ്ഖ് സായിദ് റോഡിൽ ഇറക്കി. അപകടത്തിൽപ്പെട്ടയാളെ ആശുപത്രിയിൽ എത്തിക്കുന്നതിനായാണ് തിങ്കളാഴ്ച വൈകുന്നേരം ഹെലികോപ്റ്റർ ഇറക്കിയത്. രക്ഷാപ്രവർത്തനത്തിനിടെ ഗതാഗതം തടസ്സപ്പെട്ടതിനെ തുടർന്നാണ് പരിക്കേറ്റയാളെ ആശുപത്രിയിലേക്ക് കൊണ്ടുപോകാൻ പൊലീസ് ഹെലികോപ്റ്റർ എത്തിച്ചത്. അപകടത്തെ തുടർന്ന് ഗതാഗതം 15 മിനിറ്റോളം തടസ്സപ്പെട്ടു.