പേന മോഷ്‌ടിച്ചെന്നാരോപിച്ച് മൂന്നാംക്ലാസുകാരന് ക്രൂരമർദനം

ബം​ഗളൂരു > പേന മോഷ്ടിച്ചെന്നാരോപിച്ച് കർണാടകത്തിൽ മൂന്നാംക്ലാസുകാരന് ക്രൂരമർദനം. റായ്ച്ചൂരിലെ രാമകൃഷ്ണ ആ​ശ്രമത്തിലാണ് സംഭവം. ആ​ശ്രമത്തിന്റെ അധികാരിയായ വേണു​ഗോപാലും സഹായികളുമാണ് മൂന്നാംക്ലാസുകാരനെ മർദിച്ചത്. പേന മോഷ്ടിച്ചുവെന്നാരോപിച്ചായിരുന്നു സംഭവം. തടിക്കഷ്ണങ്ങളും ബാറ്റും ഉപയോ​​ഗിച്ച് മർദിച്ചതായും മുറിയിൽ പൂട്ടിയിട്ടതായും കുട്ടി പറഞ്ഞു. കുട്ടിയുടെ കണ്ണിനടക്കം പരിക്കുണ്ട്. പരിക്കേറ്റ കുട്ടി ആശുപത്രിയിൽ ചികിത്സയിലാണ്.