അസൈബ(ഒമാൻ) > മലയാളം മിഷൻ ഒമാൻ ചാപ്റ്റർ മസ്ക്കറ്റ് മേഖലയുടെ ഭാഗമായ അസൈബ പഠനകേന്ദ്രത്തിലേക്കുള്ള പ്രവേശനോത്സവം നടന്നു. ഗാല ഗൾഫാർ ഫാമിലി അക്കമഡേഷനിൽ ശനിയാഴ്ച 10ന് പരിപാടികൾ തുടങ്ങി.
മലയാളം മിഷൻ ഒമാൻ ചാപ്റ്റർ ജോയിൻ്റ് സെക്രട്ടറി അനുപമ സന്തോഷ് ഭാഷാ പ്രതിജ്ഞ ചൊല്ലിക്കൊടുത്തു. ചാപ്റ്റർ ഉപദേശക സമിതി അംഗവും സാമൂഹിക പ്രവർത്തകനുമായ ബാലകൃഷ്ണൻ കുന്നിമ്മൽ ഔദ്യോഗികമായ ഉദ്ഘാടനം നിർവ്വഹിച്ചു. ഉപദേശക സമിതി അംഗം ഷാജി സെബാസ്റ്റ്യൻ, പ്രസിഡന്റ് സുനിൽകുമാർ, സെക്രട്ടറി അനു ചന്ദ്രൻ, ഇന്ത്യൻ സോഷ്യൽ ക്ലബ് കേരളാ വിഭാഗം കൺവീനർ സന്തോഷ് കുമാർ, വിജയൻ കരുമാണ്ടി വിനോദ് പവിത്രൻ മാഷ്, വേണുഗോപാൽ എന്നിവർ പങ്കെടുത്തു. മസ്ക്കറ്റ് മേഖല കോർഡിനേറ്റർ സുനിത്ത് അദ്ധ്യക്ഷനായ യോഗത്തിൽ ഷിബു ആറങ്ങാലി സ്വാഗതവും സന്തോഷ് എരിഞ്ഞേരി നന്ദിയും പറഞ്ഞു. മുപ്പതിലധികം കുട്ടികൾ പ്രവേശനോത്സവത്തിൽ പങ്കാളികളായി.
