ദോഹ > ഖത്തറിലെ മുതിർന്ന മാധ്യമ പ്രവർത്തകനും കേരള ശബ്ദം, വീക്ഷണം എന്നിവയുടെ ദോഹ റിപ്പോർട്ടറുമായ തൃശൂർ വടക്കേകാട് സ്വദേശി ഐ എം എ റഫീഖ് (63) അന്തരിച്ചു. ഖത്തറിലെ ഇന്ത്യൻ മാധ്യമ പ്രവർത്തകരുടെ കൂട്ടായ്മയായ ഇന്ത്യൻ മീഡിയ ഫോറം സ്ഥാപക ഭാരവാഹിയും, ദീർഘകാലം ട്രഷറർ, ജനറൽ സെക്രട്ടറി പദവികൾ വഹിക്കുകയും ചെയ്തിരുന്നു.
പാർസൺ, ഇറ്റാൽ എന്നീ റോഡ് കൺസ്ട്രക്ഷൻ കൺസൾട്ടന്റ് കമ്പനികളിൽ 2003 മുതൽ വർക്ക് ഇൻസ്പെക്ട്ടറായി ജോലി ചെയ്തുവരികയാണ്. അസുഖ ബാധിതനായി ചികിത്സയിലായിരുന്നു. ഒന്നര മാസം മുമ്പാണ് നാട്ടിലേക്ക് മടങ്ങിയത്. ബുധനാഴ്ച വൈകിട്ടായിരുന്നു അന്ത്യം. വടക്കേകാട് മണികണ്ഠേശ്വരം വീട്ടിൽ പരേതരായ കുഞ്ഞിബാവ, ഖദീജ ദമ്പതികളുടെ മകനാണ്. രഹനയാണ് ഭാര്യ. മക്കൾ: റിയ, റഈസ്, ഫൈസൽ. മരുമക്കൾ: ദാർവിഷ്, സഫ്ന. സഹോദരങ്ങൾ: ഐ എം എ ജലീൽ, ഐ എം എ അബ്ദുല്ല (ഖത്തർ), ഐ എം എ ബഷീർ.
