മന്ത്രി പി പ്രസാദിന് ഇന്ത്യൻ കൾച്ചറൽ സെന്റർ സ്വീകരണം നൽകി

ദോഹ > ഹ്രസ്വ സന്ദർശനത്തിനായി ഖത്തറിൽ എത്തിയ കൃഷി മന്ത്രി പി പ്രസാദിന് ഇന്ത്യൻ കൾച്ചറൽ സെന്റർ സ്വീകരണം നൽകി. ഐസിസി മുംബൈ ഹാളിൽ നടന്ന ചടങ്ങിൽ ഐസിസി പ്രസിഡന്റ് എ പി മണികണ്ഠൻ മന്ത്രിക്ക് മൊമന്റോ നൽകി ആദരിച്ചു. ഐസിബിഎഫ് പ്രസിഡന്റ് ഷാനവാസ് ബാവ, ഐ സി സി വൈസ് പ്രസിഡന്റ് സുബ്രഹ്മണ്യ ഹെബ്ബഗെലു, ജനറൽ സെക്രട്ടറി മോഹൻകുമാർ, മുൻ ഐ സി സി പ്രസിഡന്റ് പി എൻ ബാബുരാജൻ, ഇന്ത്യൻ എംബസിയുടെ വിവിധ അപെക്സ് ബോഡി പ്രതിനിധികൾ, എഒ മേധാവികൾ, കമ്മ്യൂണിറ്റി നേതാക്കൾ, ഇന്ത്യൻ കമ്മ്യൂണിറ്റി അംഗങ്ങൾ എന്നിവർ പങ്കെടുത്തു. ഐ സി സി സെക്രട്ടറി ഏബ്രഹാം ജോസഫ് സ്വാഗതവും ഐസിസി അഫിലിയേഷൻ കോൺസുലാർ സർവീസസ് മേധാവി സജീവ് സത്യശീലൻ നന്ദിയും പറഞ്ഞു.