ഓസ്‌ട്രേലിയന്‍ കുക്കറി ഷോയില്‍ ജേതാക്കളായി മലയാളികളായ ഇരട്ട സഹോദരിമാർ പ്രഭയും രാധയും. ചാനൽ സെവൻ്റെ ഈ വർഷത്തെ മൈ കിച്ചൻ റൂൾസ് എന്ന പാച്ചക മത്സരത്തിലാണ് NSW ൽ താമസിക്കുന്ന പ്രഭയും രാധയും വിജയിച്ചിരിക്കുന്നത്. മൈ കിച്ചൺ റൂൾസ് ചാമ്പ്യന്മാരായി രാധയെയയും, പ്രഭയയേയും പ്രഖ്യാപിച്ചപ്പോൾ 1.7 ദശലക്ഷം ഓസ്‌ട്രേലിയക്കാർ ആണ് ഗ്രാൻഡ് ഫൈനൽ കാണാൻ ചാനൽ ട്യൂൺ ചെയ്ത് കാഴ്ചക്കാരായത്. ഫൈനലിൽ നിക്ക്, ക്രിസ്റ്റ്യൻ എന്നീ ജോഡികളെയാണ് ഇരട്ട സഹോദരിമാർ പരാജയപ്പെടുത്തിയത്. $100,000 ക്യാഷ് പ്രൈസും പ്രശസ്തി പത്രവും ഇരുവർക്കും ലഭിച്ചു.
സീസൺ -13ൻ്റെ അവസാന ദിനത്തിൽ, പ്രഭയും രാധയും കേരളീയ വിഭവങ്ങളായ മീൻ വറുത്തത്, ചെമ്മീൻ കറി, ചിക്കൻ ബിരിയാണിയും മധുരപലഹാരമായ പിസ്ത ഐസ്ക്രീം ചോക്കലേറ്റ് ഡോം വിത്ത് ബദാം, ഓറഞ്ച് ക്രംബും തയ്യാറാക്കിയാണ് കാണികളുടെയും , വിധി കർത്താക്കളുടെയും രുചിഹൃദയങ്ങൾ കവർന്നത് . അവരുടെ വിഭവങ്ങൾ വിധികർത്താക്കൾ പ്രശംസിക്കുകയും, ഫൈനൽ വിജയികൾ ആയി പ്രഖ്യാപിക്കുകയും ചെയ്തു.
“ഈ നിമിഷം ഞാൻ ഒരിക്കലും മറക്കില്ലെന്ന്” വിജയത്തിൽ പ്രഭ വൈകാരികമായി പ്രതികരിച്ചു. അതേസമയം സെലിബ്രിറ്റി ഷെഫുകളുടെ ഡൈനാമിക് ജോഡികളായ മനു ഫീൽഡൽ, കോളിൻ ഫാസ്‌നിഡ്ജ് എന്നിവരോടൊപ്പം അന്താരാഷ്‌ട്ര ഫുഡ് സൂപ്പർസ്റ്റാർ നിഗെല്ല ലോസണുമായിരുന്നു മൈ കിച്ചൻ റൂൾസ് – സീസൺ 13ന്റെ വിധികർത്താക്കൾ.
ഈ വിജയം പ്രഭയും രാധയും അതിശയകരമായ ഒരു നേട്ടമായാണ് കരുതുന്നത്. ഇരുവരും കേരളത്തിൽ നിന്ന് ഓസ്ട്രേലിയയിലേക്ക് കുടിയേറിയവരും, അവരുടെ സ്വന്തം പാചക കമ്പനി ആരംഭിച്ചവരുമാണ്. മൈ കിച്ചൻ റൂൾസിൽ വിജയം, അവർക്ക് ലോകമെമ്പാടുമുള്ള പ്രശസ്തിയാണ് ഉളവാക്കിയിരിക്കുന്നത്.
പ്രഭയും രാധയും തങ്ങളുടെ വിജയത്തിൽ വളരെയധികം സന്തോഷിക്കുകയും അഭിമാനിക്കുകയും ചെയ്യുന്നു. അവർ ഇത് അവരുടെ കുടുംബത്തിന്, നാടിന്, കേരളീയ പാചകത്തിൻറെ രുചിക്കൂട്ടുകൾ ഉണ്ടാക്കിയ മുന്ഗാമികൾക്കായി സമർപ്പിക്കുന്നു.
വിജയത്തിന്റെ പ്രധാന കാരണങ്ങൾ
പ്രഭയും രാധയും വിജയിച്ചതിന് നിരവധി കാരണങ്ങളുണ്ട്. അവരുടെ പാചകം രുചികരവും സൃഷ്ടിപരവുമായിരുന്നു. അവർ കേരളീയ വിഭവങ്ങളുടെ രുചിയും പാരമ്പര്യവും വിധികർത്താക്കൾക്ക് ഫലപ്രദമായി കൈമാറി. കൂടാതെ, അവർ ടീമായി നന്നായി പ്രവർത്തിക്കുകയും, പരസ്പരം പിന്തുണയ്ക്കുകയും ചെയ്തു.
ഈ വിജയത്തിന്റെ പ്രാധാന്യം
പ്രഭയും രാധയും വിജയം മലയാളികൾക്ക് ഒരു വലിയ അഭിമാനമാണ്. ഇത് അവരുടെ കഴിവുകളും, സാധ്യതകളും ലോകത്തെ കാണിക്കുന്നു. കൂടാതെ, ഇത് മലയാളീയ പാചകത്തെ ലോകമെമ്പാടും പ്രചരിപ്പിക്കാൻ സഹായിക്കും.
