മിന്നല്‍ പ്രളയം: സിക്കിമില്‍ മരണം 53 ആയി

​ഗ്യാങ്ടോക്ക്> സിക്കിമിൽ മിന്നൽ പ്രളയത്തെ തുടർന്നുള്ള മരണം 53 ആയി. മരിച്ചവരിൽ ഏഴ് സൈനികരും ഉൾപ്പെടുന്നു. ടീസ്ത നദീതീരത്ത് 27 മൃതദേഹങ്ങൾകൂടി കണ്ടെത്തി. നൂറ്റി നാൽപ്പതിലധികം പേരെ കാണാതായിട്ടുണ്ട്. ആയിരക്കണക്കിനാളുകളെ മാറ്റിപ്പാർപ്പിച്ചു. 1200 വീടിന് കേടുപാട് സംഭവിച്ചു. റോഡുകളും പാലങ്ങളും ഒലിച്ചു പോയതോടെ ​ഗതാ​ഗതം തടസ്സപ്പെട്ടു. മൂവായിരത്തോളം സഞ്ചാരികൾ ഇപ്പോഴും ദുരന്തബാധിത പ്രദേശത്ത് കുടുങ്ങിക്കിടക്കുകയാണ്. സംസ്ഥാനത്ത് 22 ദുരിതാശ്വാസ ക്യാമ്പ് നിലവിൽ പ്രവർത്തിക്കുന്നുണ്ട്.