കുവൈത്ത് സിറ്റി > കുവൈത്തിൽ ലുലുവിന്റെ പതിനഞ്ചാമത് ഹൈപ്പർമാർക്കറ്റ് ഹവല്ലിയിൽ തുറന്നു. ഡോ. അലി മെർദി അയ്യാശ് അലനെസി ഉദ്ഘാടനം നിർവഹിച്ചു. ലുലു ഗ്രൂപ്പ് ചെയർമാൻ യൂസഫലി എം എ, മറിയം ഇസ്മയിൽ ജുമാ അൽ അൻസാരി, ലുലു മാനേജ്മെന്റ് പ്രതിനിധികൾ എന്നിവർ സംബന്ധിച്ചു. യുഎഇ, ഇന്ത്യ, സ്പെയിൻ, ദക്ഷിണാഫ്രിക്ക, വിയറ്റ്നാം, കെനിയ, ബംഗ്ലാദേശ്, മ്യാൻമർ, മലാവി, യെമൻ, ടാൻസാനിയ തുടങ്ങി വിവിധ രാജ്യങ്ങളിൽ നിന്നുള്ള അംബാസഡർമാർ നയതന്ത്രജ്ഞർ, സർക്കാർ ഉദ്യോഗസ്ഥർ എന്നിവർ ഉദ്ഘാടന ചടങ്ങിൽ പങ്കെടുത്തു.
രാജ്യത്തെ പ്രധാന വാണിജ്യ കേന്ദ്രമായ ഹവല്ലിയിൽ 83,000 ചതുരശ്ര അടി വിസ്തീർണമുള്ള ഹൈപ്പർ മാർക്കറ്റ് , ഉപഭോക്താവിന്റെ ആഗ്രഹങ്ങൾ തൃപ്തിപ്പെടുത്താനുതകുന്ന പലചരക്ക്, നോൺ-ഫുഡ്, എച്ച് ആൻഡ് ബി, ഫ്രഷ് ഫുഡ് ശീതീകരിച്ചതും പാലുൽപ്പന്നങ്ങളും, ഫ്രോസൻ, പഴങ്ങളും പച്ചക്കറികളും, മാംസം, മത്സ്യം, ഇൻ-ഹൗസ് അടുക്കള, വീട്ടുപകരണങ്ങൾ, കളിപ്പാട്ടങ്ങൾ, ലഗേജ്, പാർട്ടി സീസണൽ ഇനങ്ങൾ, മൊബൈലുകൾ & ആക്സസറികൾ, ഐടി, ആക്സസറികൾ എന്നിവയും മൂല്യമേറിയ സൗന്ദര്യവർദ്ധക വസ്തുക്കളും പെർഫ്യൂമുകളും, ഇലക്ട്രോണിക്സ് ഉപകരണങ്ങളും ലഭ്യമാണ്.
ചടങ്ങിൽ എക്സിക്യൂട്ടീവ് ഡയറക്ടർ അഷ്റഫ് അലി എം എ, ലുലു ഫിനാൻഷ്യൽ ഗ്രൂപ്പ് മാനേജിംഗ് ഡയറക്ടർ അദീബ് അഹമ്മദ്, ലുലു കുവൈത്ത് ഡയറക്ടർ മുഹമ്മദ് ഹാരിസ്, റീജണൽ ഡയറക്ടർ ശ്രീജിത്ത്, മറ്റ് ഉദ്യോഗസ്ഥർ എന്നിവരും പങ്കെടുത്തു.
കുവൈത്തിൽ ലുലുവിന്റെ 15ാമത് ഹൈപ്പർമാർക്കറ്റ് ഹവല്ലിയിൽ ഡോ. അലി മെർദി അയ്യാശ് അലനെസി ഉദ്ഘാടനം ചെയ്യുന്നു
