ദോഹ> സിനിമാതാരം ജോജു ജോർജിന്റെ ആരാധകസംഘടനയായ ജോജു ജോർജ് ലവേഴ്സ് ക്ലബ്ബ് ഖത്തർ സംഘടിപ്പിക്കുന്ന
“ഓണനിലാവ് 2023” സെപ്തംബർ 1ന്ഒലീവ് ഇന്റർനാഷണൽ സ്കൂളിൽ നടക്കുമെന്ന് വാർത്താസമ്മേളനത്തിൽ ഭാരവാഹികൾ അറിയിച്ചു.
സിനിമാതാരങ്ങളായ സനൂഷ, മാളവിക മേനോൻ,ഹരി പ്രശാന്ത് വർമ്മ എന്നിവർ ‘ഓണനിലാവി’ൽ പങ്കെടുക്കും.
ഓണാഘോഷത്തിന്റെ ഭാഗമായി 25ന് വക്രയിലെ എസ്ദാൻ ഒയാസിസ് ലുലുവിൽ ഓണപൂക്കളമത്സരം നടക്കും. ഖത്തറിലെ തന്നെ ആദ്യ റിയാലിറ്റി ഷോയായ സൂപ്പർ മമ്മി -സീസൺ 1 ൽ നടി സനുഷ മുഖ്യാതിഥിയാകും. സെപ്റ്റംബർ 1 ന് തുമാമയിലെ ഒലിവ് ഇന്റർനാഷണൽ സ്കൂളിൽ നടക്കുന്ന ഓണനിലാവിലെ മെഗാ തിരുവാതിരയിൽ നടി മാളവികമേനോനും ചുവടുകൾവയ്ക്കും.
ഖത്തറിലേ നാലു പ്രമുഖ ടീമുകൾ പങ്കെടുക്കുന്ന വടംവലിമത്സരത്തിൽ സിനിമാ താരം ഹരിപ്രശാന്ത് വർമ പങ്കെടുക്കും. മെഗാബാൻഡ് മേളവും, പഞ്ചാരിമേളവും ഉണ്ടാകും. ഓണനിലാവിന്റെ ‘മാനവീയം’ സ്റ്റേജ് പ്രോഗ്രാമിൽ 300 ൽപരം കുട്ടികളുടെ ഓണനൃത്തവും, ഓണപാട്ടും,കുമാട്ടികളിയും, പൂരകളിയും, മയിലാട്ടവും, മറയൂരാട്ടവും, കൈകൊട്ടികളിയും, തിറകളിയും, പൂതപാട്ടുംഅരങ്ങുണർത്തും.
