ഷാർജ > ദീർഘകാലം പ്രവാസ ജീവിതം നയിച്ച പ്രഭാകരൻ പുറക്കാടിന് പെരുമ പയ്യോളി യുഎഇ കമ്മിറ്റി സ്നേഹോഷ്മളമായ യാത്രയയപ്പ് നൽകി. കഴിഞ്ഞ 33 വർഷമായി യുഎഇയിലെ ഒരു സ്വകാര്യ സ്ഥാപനത്തിൽ ജോലി ചെയ്തിരുന്ന ശ്രീ പ്രഭാകരൻ യുഎഇ യിലെ വിവിധ സംഘടനകളിൽ അംഗമാണ്. യാത്രയയപ്പ് യോഗത്തിൽ വൈസ് പ്രസിഡന്റ് സുരേഷ് തിക്കോടി അധ്യക്ഷത വഹിച്ചു.
രക്ഷാധികാരിയായ ഇസ്മയിൽ മേലടി ഉപഹാരം സമർപ്പിച്ചു. അസീസ് സുൽത്താൻ, സത്യൻ പള്ളിക്കര, ഷാജി ഇരിങ്ങൽ, മൊയ്തീൻ പട്ടായി, ഷാമിൽ മൊയ്തീൻ, സതീഷ് പള്ളിക്കര, സത്യൻ യു, നിഷാദ് മൊയ്തു, ടി കെ ഗഫൂർ, ഉനൈസ്, മൊയ്ദു പെരുമാൾപുരം എന്നിവർ സംസാരിച്ചു. മറുപടി പ്രസംഗത്തിൽ 33 വർഷത്തെ അനുഭവങ്ങൾ പ്രഭാകരൻ പുറക്കാട് പങ്കുവച്ചു. സുനിൽ പാറേമ്മൽ സ്വാഗതവും ഷഹനാസ് തിക്കോടി നന്ദിയും പറഞ്ഞു.
