ദുബായ്> ദുബായില് പൊതു പാര്ക്കുകള് 2023 ന്റെ ആദ്യ പകുതിയില് 15 ദശലക്ഷത്തിലധികം പേര് സന്ദര്ശിച്ചു.2022-ലെ ഇതേ കാലയളവിനെ അപേക്ഷിച്ച് ഇത് 50 ശതമാനം വര്ധനവാണ്. കഴിഞ്ഞ വര്ഷം ഏകദേശം 10 ദശലക്ഷം സന്ദര്ശകരാണ് ദുബായ് പാര്ക്കുകളില് എത്തിയത്.
2023-ലെ ആദ്യ ആറ് മാസങ്ങളില്, മൂന്ന് ദശലക്ഷത്തോളം ആളുകള് നഗരത്തിലെ ഏറ്റവും വലിയ അഞ്ച് പാര്ക്കുകള് സന്ദര്ശിച്ചു. അല് മംസാര് ബീച്ച് പാര്ക്കില് 951,000 സന്ദര്ശകര് എത്തിയപ്പോള് മുഷ്രിഫ് പാര്ക്ക് 701,000 സന്ദര്ശകരെ സ്വാഗതം ചെയ്തു. ക്രീക്ക് പാര്ക്ക് 658,000-ത്തിലധികം ആളുകള് സന്ദര്ശിച്ചു. സബീല് പാര്ക്കില് 430,000 സന്ദര്ശകരും സഫാ പാര്ക്കില് 153,000 സന്ദര്ശകരും
ഇവിടങ്ങളിലേക്കുള്ള പ്രവേശനം എളുപ്പത്തിലാക്കിയത് വിവിധ ഗതാഗത മാര്ഗ്ഗങ്ങളാണ്.
വിവിധയിടങ്ങളില് നടന്ന 200-ലധികം പരിപാടികളില് 151 എണ്ണം സ്വകാര്യമേഖലയുടെയും 43 എണ്ണം സാമൂഹിക സംരംഭങ്ങളുടേതുമാണെങ്കില് 19 എണ്ണം മുനിസിപ്പാലിറ്റിയുടെ വിനോദ സംരംഭങ്ങളാണ്
