ദുബായ് > 2023 ആദ്യപകുതി പിന്നിടുമ്പോൾ ദുബായിലെ ജലവിതരണ കണക്ഷനുകളുടെ എണ്ണത്തിൽ അഞ്ചു ശതമാനം വളർച്ച രേഖപ്പെടുത്തിയതായി ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി (DEWA ) അറിയിച്ചു. ആറു മാസത്തിനിടെ ജലവിതരണ കണക്ഷനുകളുടെ എണ്ണം 10,23,079ൽ എത്തിയതായി DEWA സിഇഒയും എംഡിയുമായ സഈദ് മുഹമ്മദ് അൽ തായർ പറഞ്ഞു. 2022ലെ ആദ്യ പകുതിയിൽ ഇത് 9,74,514 ആയിരുന്നു
ദുബായ് ഇൻറഗ്രേറ്റഡ് വാട്ടർ റിസോഴ്സ് മാനേജ്മെൻറ് സ്ട്രാറ്റജി 2030 അനുസൃതമായി ദുബായിലെ ജലസ്രോതസ്സുകളുടെ സുസ്ഥിരത ഉറപ്പുവരുത്താൻ സമഗ്രമായ പദ്ധതികളാണ് ദേവ നടത്തുന്നത്. ജലസ്രോതസ്സുകൾ പരിപോഷിപ്പിക്കുന്നതിലും മികച്ച സാങ്കേതിക വിദ്യകൾ ഉപയോഗിക്കുന്നതിലും ശ്രദ്ധകേന്ദ്രീകരിക്കുന്നതാണ് ദുബൈ ഇൻറഗ്രേറ്ഗ്രേറ്റഡ് വാട്ടർ റിസോഴ്സ് മാനേജ്മെൻറ് സ്ട്രാറ്റജി 2030. നൂതന ആശയങ്ങളും സാങ്കേതിക വിദ്യകളും ഉപയോഗിച്ച് ജലവിതരണ കണക്ഷനുകളുടെ കാര്യക്ഷമത വർധിപ്പിക്കാനും ജലനഷ്ടം കുറക്കാനും DEWAക്ക് സാധിച്ചു. 1989ൽ ദുബൈയിലെ ജലവിതരണ നഷ്ടം 42.5 ശതമാനമായിരുന്നു. എന്നാൽ, 2022ൽ ഇത് 2.2 ശതമാമാനമായി കുറക്കാൻ സാധിച്ചതായും അൽ തായർ പറഞ്ഞു.
ഡിഇഡബ്ലൂഎയുടെ പ്രതിദിനം ഉപ്പുവെള്ളം ശുദ്ധീകരിക്കാനുള്ള ശേഷി 490 ദശലക്ഷം ഇംപീരിയൽ ഗാലൻ ആണ്. 2030ഓടെ ഉപ്പുവെള്ളത്തിൻറെ ശുദ്ധീകരണം 100 ശതമാനവും പുനരുപയോഗിക്കാവുന്ന ഊർജവും മാലിന്യത്തിൽനിന്നുള്ള ഊഷമാവും ഉപയോഗിച്ചുള്ള ശുദ്ധ ഊർജ മിശ്രിതത്തിൽ നിന്നാക്കി മാറ്റും.
ജബൽ അലി പവർ ആൻഡ് ഡിസാലിനേഷൻ പ്ലാൻറിന് ലോക റെക്കോഡ്
പ്രകൃതിവാതകം ഉപയോഗിച്ച് പ്രതിദിനം 490 എംഐജിഡി ജലം ശുദ്ധീകരിക്കാൻ ശേഷിയുള്ള ലോകത്തെ ഏക പ്ലാൻറ് എന്ന ഗിന്നസ് വേൾഡ് റെക്കോഡ് ജബൽ അലിയിലെ പവർ ആൻഡ് ഡിസാലിനേഷൻ പ്ലാൻറ് നേടിയതായും അൽ തായർ കൂട്ടിച്ചേർത്തു.
