ഷാർജ > മാസ് റോള മേഖല കലാവിഭാഗം സബ് കമ്മറ്റി കുട്ടികൾക്കായി അർട്ടോ എന്ന പേരിൽ ചിത്ര രചന ക്യാമ്പ് സംഘടിപ്പിച്ചു. ഞായർ രാവിലെ 10ന് ഇന്ത്യൻ അസോസിയേഷൻ കോൺഫറൻസ് ഹാളിൽ സംഘടിപ്പിച്ച ക്യാമ്പ് മാസ് സെക്രട്ടറി ടി സി സമീന്ദ്രൻ ഉദ്ഘാടനം ചെയ്തു.
70 ഓളം കുട്ടികൾ രജിസ്റ്റർ ചെയ്ത ക്യാമ്പ് നയിച്ചത് ആർട്ടിസ്റ്റ് നിചിത് ചന്ദ്രനായിരുന്നു. കലാ വിഭാഗം കൺവീനർ ആശിഷ് സ്വാഗതം പറഞ്ഞു. റോള മേഖല സെക്രട്ടറി ഷമീർ, വൈസ് പ്രസിഡന്റ് ജിബീഷ്, മാസ് വൈസ് പ്രസിഡന്റ് മുഹമ്മദ് ഹാരിസ് എന്നിവർ ആശംസകൾ നേർന്നു സംസാരിച്ചു. സീമ ഗോപാലകൃഷ്ണൻ നന്ദി പറഞ്ഞു. പങ്കെടുത്ത കുട്ടികൾക്ക് സർട്ടിഫിക്കറ്റുകൾ വിതരണം ചെയ്തു.
.jpg)
