ശ്രീനഗര്
തെക്കന് കശ്മീരിലെ കുല്ഗാം ജില്ലയില് അവധിക്ക് നാട്ടിലെത്തിയ സൈനികനെ കാണാതായി. ജമ്മു കശ്മീര് ലൈറ്റ് ഇന്ഫന്ററി റെജിമെന്റിലെ റൈഫിള്മാനായ ജാവേദ് അഹമ്മദിനെയാണ് (25) ശനി മുതല് കാണാതായത്. അവധി കഴിഞ്ഞ് തിങ്കളാഴ്ച തിരിച്ച് ജോലിയില് പ്രവേശിക്കേണ്ടതാണ്.
ശനി വൈകിട്ട് സാധനങ്ങള് വാങ്ങാന് കാറില് മാര്ക്കറ്റിലേക്ക് തിരിച്ച ജാവേദ് രാത്രിയും തിരിച്ചെത്താതിരുന്നപ്പോഴാണ് തിരച്ചില് തുടങ്ങിയത്. മാര്ക്കറ്റിനടുത്ത് കണ്ടെത്തിയ ജാവേദിന്റെ കാറില് രക്തക്കറകളുണ്ടായിരുന്നെന്നും റിപ്പോര്ട്ടുണ്ട്. കശ്മീര് പൊലീസ് കേസെടുത്ത് അന്വേഷണം തുടങ്ങി. സുരക്ഷാ ഉദ്യോഗസ്ഥരും തിരച്ചില് നടത്തുന്നുണ്ട്.
അതേസമയം, ജാവേദിനെ ഭീകരര് തട്ടിക്കൊണ്ടു പോയതാകാമെന്ന് കുടുംബം പ്രതികരിച്ചു. മകനെ വെറുതെ വിടണമെന്നും സൈന്യത്തിലേക്ക് അയക്കില്ലെന്നും കരഞ്ഞ് അപേക്ഷിക്കുന്ന അമ്മയുടെ വീഡിയോയും കുടുംബം പുറത്തുവിട്ടു.
