ദോഹ> അഞ്ചു അറബ് രാജ്യങ്ങളുടെ തുറമുഖങ്ങളുമായി ഖത്തർ അഹമ്മദ് അന്താരാഷ്ട്ര തുറമുഖത്തെ ബന്ധിപ്പിക്കുന്ന പുതിയ സമുദ്ര പാത സർവീസിന് ഖത്തർ തുടക്കം കുറിച്ചു. ഖത്തറിലെ അഹമ്മദ് അന്താരാഷ്ട്ര തുറമുഖം സൗദിഅറേബ്യ ,ഒമാൻ ,ഈജിപ്ത് ,യുഎഇ ,മൊറോക്കോ, എന്നീ തുറമുഖങ്ങളിലേക്കാണ് പുതിയ മിഡിൽ ഈസ്റ്റ് -6 സമുദ്ര പാതയിലുടെ സർവീസ് നടത്തുക.
പുതിയ ജലപാത വരുന്നതോടെ രാജ്യങ്ങൾക്കിടയിൽ നേരിട്ടുള്ള വ്യാപാര വാണിജ്ജ്യ സാധ്യതകൾ വേഗത്തിലാക്കുവാനും,അമിത യാത്ര ചെലവുകൾ കുറക്കുവാനും സാധിക്കും.
ഹമദ് ഇൻറർനാഷണൽ തുറമുഖം (ഖത്തർ ),ദമാം തുറമുഖം (കെ.എസ്.എ), ജുബൈൽ തുറമുഖം( കെ.എസ്.എ), ജബലലി ടി -2 തുറമുഖം (യുഎഇ ) ,ദുകം തുറമുഖം(ഒമാൻ),സലാലതുറമുഖം( ഒമാൻ ),സൂയസ് തുറമുഖം (ഈജിപ്ത് )പോർട്ട് സൈയിഡ്ഈസി (ഈജിപ്ത് ),ടാൻജിയർ മെഡ് തുറമുഖം (മൊറാക്കോ) ടാൻജിയർ മെഡ്-2 തുറമുഖം (മൊറാക്കോ)എന്നിങ്ങനെ പത്തോളം തുറമുഖങ്ങളിലൂടെ ആകും പുതിയ സർവീസ്.
