മണ്ണിടിച്ചിൽ ; മഹാരാഷ്‌ട്രയിൽ 
27 മൃതദേഹം കണ്ടെത്തി

മുംബൈ
മഹാരാഷ്ട്രയിൽ കനത്ത മഴയെ തുടർന്നുണ്ടായ മണ്ണിടിച്ചിലിൽ കാണാതായ 27 പേരുടെ മൃതദേഹം കണ്ടെടുത്തു. റായ്ഗഡ് ജില്ലയിലെ ഇർഷൽവാദി ഗ്രാമത്തിൽ ബുധനാഴ്ചയാണ് മണ്ണിടിച്ചിൽ ഉണ്ടായത്. അറുപതോളം പേരെ ഇനിയും കണ്ടെത്തിയിട്ടില്ല. മരിച്ചവരിൽ നാല് കുട്ടികളും ഉൾപ്പെടുന്നു. 75 പേരെ രക്ഷപ്പെടുത്തി. നാല് പേരെ ആശുപത്രിയിൽ പ്രവേശിപ്പിച്ചു. ഗ്രാമത്തിലെ 48 വീട്ടിൽ 17 എണ്ണം പൂർണമായോ ഭാഗികമായോ തകർന്നതായി അധികൃതർ പറഞ്ഞു.