മസ്കറ്റ്> സലാലയിലേക്ക് പോയ ഒരു വാഹനം മറ്റൊരു വാഹനവുമായി കൂട്ടിയിടിച്ചു അഞ്ചു പേർ മരിച്ചു. മരിച്ചവരിൽ ഒരു സ്ത്രീയും ഉൾപ്പെടുന്നു. ഇടിയുടെ ആഘാതത്തിൽ വാഹനം പൂർണമായും കത്തിയമർന്നു മസ്കറ്റിൽ നിന്ന് സലാല യിലേക്ക് വിനോദ യാത്ര പോയ ബോംബൈ സ്വാദേശികളാണ് അപകടത്തിൽ പെട്ടതെന്ന് സംശയിക്കുന്നു. കൂടുതൽ വിവരങ്ങൾ ലഭ്യമല്ല
സലാല ഹൈമ- തുമ്റൈത്ത് റോഡിൽ നിന്ന് 200 കിലോമീറ്റർ അപ്പുറം മക്ഷനിലാണ് ചൊവ്വാഴ്ച വൈകീട്ടോടെ അപകടം നടന്നത്. മൃതദേഹങ്ങൾ തുമറൈത്ത് ഹോസ്പിറ്റലിൽ സൂക്ഷിച്ചിരിക്കയാണ്.
അവധി ആഘോഷിക്കാൻ ഖരീഫ് സീസൺ കാരണം നിരവധി പേരാണ് വിവിധ പ്രദേശങ്ങളിൽ നിന്ന് സലാലയിലേക്ക് ഒഴുകുന്നത് അപകട സാധ്യത ഏറെയുള്ള റോഡിൽ സുരക്ഷ ഉറപ്പാക്കി യാത്ര ചെയ്യണം എന്ന് അധികൃതർ ആവർത്തിച്ചു ആവശ്യപ്പെടുന്നുണ്ട്
