അൽ ഐൻ > മലയാളം മിഷൻ ആഗോളതല സുഗതാജ്ഞലി കാവ്യാലാപനം ചാപ്റ്റർതല മത്സരം മലയാളം മിഷൻ അൽ ഐൻ ചാപ്റ്റർ അൽഐൻ ഇന്ത്യൻ സോഷ്യൽ സെന്ററിൽ സംഘടിപ്പിച്ചു. വൈലോപ്പള്ളി ശ്രീധരമേനോന്റെ കവിതകളെ ആസ്പദമാക്കി നടന്ന മത്സരത്തിൽ സബ് ജൂനിയർവിഭാഗത്തിൽ അപർണരാജേഷ് ഒന്നാം സ്ഥാനവും അഭിനവ് സൂരജ് രണ്ടാം സ്ഥാനവും ശ്രീഹാൻ സഞ്ജു മൂന്നാം സ്ഥാനവും നേടി.
ജൂനിയർ വിഭാഗത്തിൽ () ലിയാന മുംതാസ് (ഒന്നാം സ്ഥാനം) നക്ഷത്ര സുഷാജ് (രണ്ടാം സ്ഥാനം ), പാർത്ഥിവ് (മൂന്നാം സ്ഥാനം) എന്നിവരും തിരഞ്ഞെടുക്കപ്പെട്ടു.
ഐഎസ്സി ജനറൽ സെക്രട്ടറി മണികണ്ഠൻ അദ്ധ്യക്ഷനായ ചടങ്ങിൽ ചാപ്റ്റർ സെക്രട്ടറി റസിയ ഇഫ്ത്തിക്കർ സ്വാഗതം പറഞ്ഞു. അൽ ഐൻ ചാപ്റ്റർ ചെയർമാൻ ഡോ. ഷാഹുൽ ഹമീദ് പരിപാടി ഉത്ഘാടനം നിർവ്വഹിച്ചു . കണ്ണൻ എസ് ദാസും ജമാൽ മുക്കുത്തല വിധി കർത്താക്കളായി. ചാപ്റ്റർ ഭാരവാഹി റസ്സൽ മുഹമ്മദ് സാലി ആശംസകൾ നേർന്നു. അധ്യാപിക സ്മൈലി വിധി കർത്താക്കളെ പരിചയപ്പെടുത്തി.ചാപ്റ്റർതല മത്സരത്തിൽ ഒന്നും രണ്ടും സ്ഥാനങ്ങൾ നേടിയവർ ആഗോളതലത്തിൽ മാറ്റുരയ്ക്കും. അധ്യാപിക ഹന്നാബി സലാം നന്ദി രേഖപ്പെടുത്തി.
