ദോഹ > ഖത്തർ ഇന്ത്യൻ ഫുട്ബോൾ ഫോറം ഒക്ടോബറിൽ സംഘടിപ്പിക്കുന്ന ഖത്തർ കേരള അന്തർജില്ലാ ഫുട്ബോൾ ടൂർണമെന്റിൻ്റെ സീസൺ പതിനാലിനായുള്ള ഒരുക്കങ്ങളുടെ മുന്നോടിയായി വികസിപ്പിച്ച ഖിഫ് നിർവാഹക സമിതിയിലെ പുതിയ അംഗങ്ങൾക്ക് സ്വീകരണം നൽകി. ദോഹയിലെ ക്രൗൺ പ്ലാസ ഹോട്ടലിൽ നടന്ന സ്വീകരണ ചടങ്ങിൽ ഖിഫ് പ്രസിഡന്റ് കെ മുഹമ്മദ് ഈസ അധ്യക്ഷത വഹിച്ചു.
ഖിഫ് സംഘടനാ സ്ട്രക്ച്ചറിനെ വൈസ് പ്രസിഡൻ്റ് സുഹൈൽ ശാന്തപുരം പരിചയപെടുത്തി. ഖിഫ് ചരിത്രത്തിലൂടെ ശീർഷകത്തിൽ പ്രോട്ടോക്കോൾ ചീഫ് ഹുസൈൻ കടന്നമണ്ണ സംസാരിച്ചു. പുതിയ അംഗങ്ങളായി ഖിഫിനൊപ്പം ചേർന്ന ഡോ. അബ്ദുസ്സമദ്, ഷറഫ് പി ഹമീദ്, റഷീദ് അഹ്മദ്, ആഷിഖ് വടകര, ഹംസ കരിയാട് എന്നിവരെ ഖിഫ് ഭരവാഹികളായ മുഹമദ് ഹനീഫ്, നിസ്താർ പട്ടേൽ, അബ്ദുറഹീം, ബഷീർ, അഡ്വ. ഇഖ്ബാൽ എന്നിവർ ഔപചാരികമായി സ്വീകരിച്ചു. നവാഗതർ മറുപടി പറഞ്ഞു.
ഖിഫ് ടൂർണ്ണമെന്റുകളിൽ വർഷങ്ങളായി സൗജന്യ വൈദ്യ സേവനം നിർവഹിച്ചുകൊണ്ടിരിക്കുന്ന മെഡിക്കൽ ടീം അംഗങ്ങളായ ടി കെ ശമീം അലി, ഷാനവാസ് നീലിക്കണ്ടി, ഷാഹിർ എം ടി എന്നിവരെ ഖിഫ് പ്രസിഡൻ്റ് കെ മുഹമ്മദ് ഈസ ഉപഹാരം നൽകി ആദരിച്ചു. ഖിഫ് ജനറൽ സെക്രട്ടറി മുഹമ്മദ് ഷമീൻ സ്വാഗതവും വെെസ് പ്രസിഡൻ്റ് നിസ്താർ പട്ടേൽ നന്ദിയും പറഞ്ഞു.
